Dune torağayı (Calendulauda erythrochlamys) - "Alaudidae" fəsiləsinə aid olan bir torağay növü. Namibiyaya endemikdir və təbii yaşayış mühiti subtropik və ya tropik quru ovalıq çölləridir. Dune torağayı, dünyanın ən quraq bölgələrindən biri olan Namib səhrasında yaşamaq qabiliyyəti inkişaf etdirən, yeganə quş növüdür. Taksonomiya Dune torağayı 1853-cü ildə ingilis təbiətşünas Hü Strikland tərəfindən Namibiyanın Valvis Körfəzi yaxınlığındakı, Damaraland bölgəsindən toplanmış nümunələr əsasında təsvir edilmişdir. O, binominal ad olaraq "Alauda erythrochlamys" adını təqdim etmişdir. Dune torağayı indi ingilis zooloq Edvard Blayt tərəfindən 1855-ci ildə təqdim edilmiş "Calendulauda" cinsinə daxil edilən səkkiz torağay növündən biridir. "Calendulauda" adı digər iki torağay cinsinin adlarının birləşməsindən yaranmışdır: "Calendula" və "Alauda". Xüsusi epitet "erythrochlamys" qədim yunan dilində "qırmızı" mənasını verən "ερυθρος/eruthros" və "xilət" mənasını verən "χλαμυς/khlamus, χλαμυδος/khlamudos" sözlərinin birləşməsindən yaranmışdır. Dörd yarımnöv tanınır: -"C. e. erythrochlamys" (Strickland, 1853) – Kuiseb çayı (Valvis Körfəzi) ilə Koixab çayı arasında (Namibiyanın mərkəzi qərbi). -"C. e. barlowi" (Roberts, 1937) – Koixab çayı ilə Aus arasında (Namibiyanın cənub-qərbi). -"C. e. patae" (Makdonald, 1953) – Namibiyanın cənub-qərb sahilindən Cənubi Afrikanın şimal-qərbinə qədər. -"C. e. cavei" (Makdonald, 1953) – Namibiyanın cənub-qərb daxili bölgələrindən Cənubi Afrikanın şimal-qərbinə qədər. Barlov torağayı (Calendulauda barlowi) (patae və cavei daxil olmaqla) əvvəllər ayrı bir növ hesab edilirdi. Lakin genetik fərqliliyin çox az olması, ölçü və səs çıxarışlarının demək olar ki, eyni olması səbəbindən indi dune torağayı ilə birləşdirilmişdir.
https://en.wikipedia.org/wiki/Dune_lark
https://birdsoftheworld.org/bow/species/dunlar5/cur/introduction
https://datazone.birdlife.org/species/factsheet/dune-lark-calendulauda-erythrochlamys
https://ebird.org/species/dunlar5
https://animalia.bio/dune-lark
https://avibase.bsc-eoc.org/species.jsp?avibaseid=DDDC78BEE04067A1
https://xeno-canto.org/species/Calendulauda-erythrochlamys
https://birdsoftheworld.org/bow/species/dunlar5/cur/introduction?printable
https://www.inaturalist.org/guide_taxa/940819
Tarix : 25 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
