Drakensberq priniyası və ya zəfəran döşlü priniya (Prinia hypoxantha) - Kiçik ölçülü sərçəkimilər qrupuna aid bir quş növü. Ümumi məlumat Bu növ Drakensberq dağlarının meşə kənarlarında, ağaclı dərələrdə və qıjı ilə örtülü yamaclarında yaşayır. Drakensberg priniyası əvvəllər, Karoo priniyasının (P. maculosa) yarımnövü (P. m. hypoxantha) hesab edilirdi. Təsvir Drakensberq priniyası 12-14 sm (4,7-5,5 düym) uzunluğundadır, qısa yumru qanadları, uzun quyruğu, güclü ayaqları və qısa düz qara dimdiyi var. Başında ağ ləkə var və üst hissələri qəhvəyi rəngdədir. Boğazı və alt üz hissəsi ağ rəngdədir və heç bir zolaq yoxdur, qalan alt hissələri sarı rəngdədir və tünd zolaqlara malikdir. Uzun quyruğunun ucuna yaxın tünd ləkə var və adətən bucaq altında yuxarı qalxır. Ayaqları və dırnaqları çəhrayı-qəhvəyi rəngdədir, gözləri isə açıq rəngdədir. Cinslər eyni görünüşə malikdir, lakin cavan fərdlər yetkinlərdən daha solğundur. Drakensberq priniyası yalnız yaxın qohumu olan Karoo priniyası ilə qarışdırıla bilər, lakin bu növün alt hissələrində daha az sarı rəng və daha çox ləkə var. Davranış Drakensberq priniyası yaşıl otlardan yan girişli nazik divarlı oval yuva qurur. Yuva yarpaqlı kolların və ya kolluqların dərinliklərində yaxşı gizlədilir. Drakensberq priniyası adətən cüt-cüt və ya kiçik qruplar halında görünür, əsasən kolluqların alt hissəsində olur, bəzən isə kolluğun üstündə qonur. Kiçik həşəratlarla qidalanır, quyruğunu yuxarı qaldırır və tez-tez yan-yan yelləyir. Qorunma statusu Bu ümumi növün geniş yayılma sahəsi var və təxminən 50,000-100,000 km² ərazini əhatə edir. Populyasiya ölçüsünün böyük olduğu güman edilir və növ "Beynəlxalq Təbiəti Qoruma Birliyi"nin (IUCN) Qırmızı Siyahısının populyasiya azalma meyarlarına (yəni 10 il və ya üç nəsil ərzində 30%-dən çox azalma) uyğun gəlmir. Bu səbəblərə görə növ "ən az narahatlıq doğuran" kateqoriyasına daxil edilmişdir.
https://ebird.org/species/drapri1
https://avibase.bsc-eoc.org/species.jsp?avibaseid=36261312F3CB558A
https://datazone.birdlife.org/species/factsheet/drakensberg-prinia-prinia-hypoxantha
https://en.wikipedia.org/wiki/Drakensberg_prinia
https://birdsoftheworld.org/bow/species/drapri1/cur/introduction
https://www.google.com/url?sa=t&rct=j&q=&esrc=s&source=web&cd=&ved=2ahUKEwjKosq8td6LAxUgQPEDHTw6JG4QFnoECFQQAQ&url=https%3A%2F%2Fxeno-canto.org%2Fspecies%2FPrinia-hypoxantha&usg=AOvVaw0YHJnFFdjaT_dc-WrEiI8g&opi=89978449
https://www.inaturalist.org/guide_taxa/1103312
Tarix : 25 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
