Debbi Makomber (22 oktyabr 1948-ci ildə anadan olub) - Romantik romanlar və müasir qadın ədəbiyyatı üzrə, amerikalı yazıçı. Ümumi məlumat Onun altı romanı televiziya üçün filmə çevrilib və "Sidr Körfəzi" romanlar seriyası eyni adlı televiziya serialına uyğunlaşdırılıb. Makomber 2005-ci ildə azarkeşlərin səsverməsi ilə müəyyən edilən "Romantika üzrə Qələm Mükafatı"nın ilk qalibi olub və "Amerika Romantik Yazıçıları"ndan həm "RİTA Mükafatı", həm də "ömür boyu nailiyyət mükafatı" alıb.O, həmçinin kitablarının televiziya adaptasiyalarının icraçı prodüseri kimi çalışır. Erkən karyera Makomber disleksiyalıdır və orta məktəb təhsili alıb. Yazıçı olmaq qərarına gələrək, dörd uşaq böyüdərkən, ilk əlyazmalarını hazırlamaq üçün mətbəxində, icarəyə götürülmüş yazı makinasının qarşısında otururdu. Beş il və nəşriyyatçılardan çoxlu rədd cavabı aldıqdan sonra, o, sərbəst jurnal işinə müraciət etdi. Makomber romantik yazıçıların konfransında iştirak etdi və burada onun əlyazmalarından biri "Harlequin"dən olan bir redaktor tərəfindən ictimai şəkildə tənqid olunmaq üçün seçildi. Redaktor onun romanını parçaladı və atmağı tövsiyə etdi. Ruhdan düşməyən Makomber eyni romanı, "Ürək Nəğməsi"ni Harlequinin rəqibi olan "Silhouette Books"a göndərmək üçün 10 dollar xərclədi. "Silhouette" kitabı aldı və bu, "Publishers Weekly" tərəfindən nəzərdən keçirilən ilk romantik roman oldu. Karyera "Ulduz İşığı" onun "Silhouette Special Edition" romantik xəttinin bir hissəsi kimi nəşr olunan ilk romanı idi. Makomber "Silhouette", daha sonra isə "Harlequin" üçün romantik romanlar yazmağa davam etdi. 1988-ci ildə "Harlequin" Makomberdən bir-biri ilə əlaqəli hekayələr seriyası yazmağı xahiş etdi və bu, "Donanma" seriyası kimi tanındı. Qısa müddət sonra o, ildə iki və ya üç başlıq buraxırdı. 1994-cü ilə qədər Makomber tək başlıqlı romanlar buraxmağa başladı. Onun ilk sərt üzlü kitabı 2001-ci ildə nəşr olundu. 2002-ci ildə Makomber qadınlara və onların dostluqlarına daha çox diqqət yetirən kitablar yazmaq istədiyini anladı. "Səkkizdə Cümə axşamları" onun ənənəvi romantik romandan, müasir qadın ədəbiyyatına ilk gedişi oldu. 1986-cı ildən bəri demək olar ki, hər il Makomber Milad mövzusunda kitab və ya novella yazır. Makomberin romanları hekayənin mesajını çatdırmağa diqqət yetirir və ətraflı təsviri parçalar daxil etmir. Onun qəhrəmanları optimist olmağa meyllidirlər və "hekayələr oxucuda ümid və xoşbəxt gözlənti hissi buraxan şəkildə, həll olunur". Bir çox roman kiçik, kənd şəhərlərində cərəyan edir, onun "Sidr Körfəzi" seriyası öz doğma şəhəri olan Port Orçard, Vaşinqton əsasında qurulub. Xristian inanclarına görə, Makomber kitablarında açıq-saçıq, cinsi təfərrüatlar daxil etmirdi. Onun kitablarının 170 milyondan çox nüsxəsi bütün dünyada çap edilir. "Bu Evlilik Məsələsi" 1998-ci ildə televiziya üçün filmə çevrildi. Makomberin altı romanı "Hallmark" televiziya filmlərinə çevrilib: "Debbi Makomberin Xanım Möcüzə", "Mənə Xanım Möcüzə Deyin", "Milad Ticarəti" (Makomberin "Milad Gələndə" romanı əsasında), "Cənab Möcüzə", "Qar Üzərindən Sürət" və "Bir Xanım Möcüzə Miladı". Makomber indi aşpazlıq kitabları və uşaq kitabları da daxil olmaqla, ruhlandırıcı qeyri-bədii əsərlər yazır. Makomber Port Orçard, Vaşinqtonda bir yun mağazasına sahibdir və "Debbi Makomber" toxuculuq nümunəsi kitabları xətti var. 2013-cü ilin iyul ayında "Hallmark Channel" onun "Sidr Körfəzi" kitab seriyası əsasında özünün ilk orijinal, ssenarili serialını yayımlamağa başladı. Makomber serialın yaradıcısı və icraçı prodüseridir. "Sidr Körfəzi" televiziya serialı 3 mövsüm davam etdi və 2015-ci ildə başa çatdı. "Şou LEO" mükafatlarına, "Dramatik Serialda Ən Yaxşı Kostyum Dizaynı" və "Dramatik Serialda Kişinin Ən Yaxşı Köməkçi Performansı" (2014) üzrə 2 nominasiya və "Prizm" mükafatına, "Drama Epizodu - Psixi Sağlamlıq" (2015) üzrə bir nominasiya aldı. Tanınma Makomber üç dəfə "B. Dalton" Mükafatının qalibi olub və azarkeşlərin səsverməsi ilə müəyyən edilən romantika üzrə "Qələm Mükafatı"nın ilk qalibi olub ("44 Cranberry Point" üçün, 2005). Ona "Romantic Times" görkəmli "Ömür Boyu Nailiyyət Mükafatı" verilib və "Milad Səbəti" üçün "Amerika Romantik Yazıçıları"ndan "RİTA Mükafatı" qazanıb. O, 2007-ci ildə "Safeco Field"da "Seattle Mariners" oyununda ilk topu atdı. Şəxsi həyatı Makomber gənclər üçün könüllü mentor, döyülən qadınların sığınacaqları üçün, savadlılıq və tibbi tədqiqatlar üçün vəsait toplamaqda fəaldır. O, "Warm-Up America"nın milli idarə heyətinin üzvüdür və 1997-ci ildə "Big Brothers Big Sisters of America" milli ofisinin səfiri təyin edilib. Makomber və əri Ueyn dörd uşaq böyüdüblər və nəvələri var. Onlar, Vaşinqtonda yaşayırlar.
https://en.wikipedia.org/wiki/Debbie_Macomber
https://www.simonandschuster.com/authors/Debbie-Macomber/17953766
https://www.penguinrandomhouse.com/authors/143328/debbie-macomber/
https://debbiemacomber.com/about
https://www.addall.com/reviews/author-debbie-macomber/
https://www.prhspeakers.com/speaker/debbie-macomber
https://nationalwritersseries.org/an-evening-with-debbie-macomber/
Tarix : 18 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
