Darçını ibon (Hypocryptadius cinnamomeus) - Filippinin Mindanao dağlarına endemik olan bir quş növü. "Hypocryptadius" cinsinin tək nümayəndəsi olan bu quş köhnə dünya sərçəsi kimi təsnif edilir. Təbii yaşayış mühiti tropik rütubətli dağ meşələri və 1000 metrdən yuxarıda yerləşən mamırlı meşələrdir. Təsvir və taksonomiya EBird bu quşu belə təsvir edir: "Orta ölçülü bir quş. Başının üstü və beli parlaq darçını rəngində, qanadları və quyruğu daha tünd, boğazı, döşü və yanları açıq narıncı, qarnı və quyruq altı ağ rəngdədir. Qırmızı gözləri və gümüşü-boz ayaqları və dimdiyi diqqət çəkir. Çox vaxt qarışıq növlərdən ibarət sürülərdə tapılır. Yaşadığı ərazidə oxşar növlər yoxdur. Səsi yüksək tonlu cırıltılar, kəskin burun səsi 'wik' və aşağıya doğru enən orta tonlu 'piii! piuu-piuu!' səslərindən ibarətdir." "Hypocryptadius" cinsinin tək nümayəndəsi olan bu quş, əvvəlcə "Zosteropidae" (ağgöz) fəsiləsinə aid edilsə də, sonradan sərçə kimi təsnif edilmişdir. Onun kəlləsi və dimdiyi sərçələrə bənzəyir. Jon Fjeldså və həmkarılarının aparılmış mitoxondrial və nüvə DNT tədqiqatları, həmçinin skelet sübutları əsasında bu növ sərçə fəsiləsinin ən əsas üzvü və ayrı bir yarımfəsilə kimi təsnif edilmişdir. Ekologiya və davranış Bu quş alt mərtəbədə həşəratlarla qidalanır və tez-tez qarışıq növlərdən ibarət sürülərə qoşulur. Bu sürülərə qara və darçını rəngli fantail, kiçik ayaqçalan, firuzəyi milçəkqapan, Negros yarpaq pərvəri və digər kiçik quşlar daxil ola bilər. Onun çoxalma davranışı haqqında heç bir məlumat dərc edilməmişdir. Çoxalma vəziyyətində olan quşlar və böyümüş cinsiyyət orqanları fevraldan may ayına qədər toplanmışdır. Yaşayış mühiti və qorunma statusu Bu quşun yaşayış mühiti tropik rütubətli dağ və yarımmonta mamırlı meşələri, həmçinin dəniz səviyyəsindən 1000 metr yüksəklikdə yerləşən meşə kənarlarıdır. "IUCN" bu quşu "az təhlükə altında" (Least Concern) kimi qiymətləndirib. Məhdud yayılma sahəsinə malik olsa da, tapıldığı ərazilərdə çoxsaylı hesab edilir. Lakin populyasiyanın azalmaqda olduğu bildirilir. Bunun səbəbi qanuni və qeyri-qanuni meşə təmizləməsi, mədənçilik və kənd təsərrüfatı üçün torpaqların təmizlənməsi (məsələn, yandırma üsulu ilə) kimi amillərdir.

İstinadlar

https://en.wikipedia.org/wiki/Cinnamon_ibon

https://ebird.org/species/cinwhe1

https://www.inaturalist.org/taxa/17542-Hypocryptadius-cinnamomeus

https://xeno-canto.org/species/hypocryptadius-cinnamomeus

https://datazone.birdlife.org/species/factsheet/cinnamon-ibon-hypocryptadius-cinnamomeus

https://avibase.bsc-eoc.org/species.jsp?avibaseid=A6E996A888D6045C

https://www.oiseaux.net/birds/cinnamon.ibon.html

https://avibase.bsc-eoc.org/species.jsp?avibaseid=149AD15C0271E17F

https://xeno-canto.org/species/Hypocryptadius-cinnamomeus?view=1

Tarix : 22 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.