Çub sisitkolası (Cisticola chubbi) - "Cisticolidae" fəsiləsinə aid olan bir quş növü. Yayılması "Qərb Yüksək Yaylası", "Albertin Rift" dağ meşələri və "Şərqi Afrika" dağ meşələrinə endemikdir. Bu növün dörd yarımnövü var: -"C. c. adametzi" (Reichenow, 1910) – cənub-şərqi Nigeriya və cənub-qərbi Kamerun. -"C. c. discolor" (Sjöstedt, 1893) – Kamerun dağı (cənub-qərb Kamerun) – qəhvəyibel sisitkola. -"C. c. chubbi" (Sharpe, 1892) – şərqi Konqo Demokratik Respublikasından qərbi Keniyaya qədər. -"C. c. marungensis" (Chapin, 1932) – Marungu yaylası (cənub-şərqi Konqo Demokratik Respublikası). Bu növ əraziyə bağlıdır və vaxtının çoxunu sıx bitki örtüyü içərisində keçirir. Səs və çağırışlar Duet halında oxuyarkən erkəklər trill səsləri çıxarır, dişilər isə fit çalır. Dişilər daha uzun və aşağı tonlu notlar çıxarır. Çub sisitkolaları bəzən beşə qədər fərddən ibarət xorlarla da oxuyur; bu, ən çox çoxalma mövsümünün sonunda müşahidə edilir. Tək oxumaq çox nadir hallarda baş verir. Duetlər və xorlar əsasən ərazi müdafiəsi məqsədi daşıyır. Bu zaman iştirak edən quşlar bir-birini görür (1 metrdən az məsafədə olur) və quyruqlarını hərəkət etdirərək və qanadlarını çırparaq səs çıxarırlar. Onlar yüksək yerlərdən oxuyurlar. Çoxalma Bu növün çox güman ki, monoqam olduğu düşünülür. Yuvalar əsasən dişilər tərəfindən qurulur və yer səviyyəsindən 0,5–2 metr yüksəklikdə yerləşdirilir. Yumurtaların inkubasiyasında əsas rol dişilərə aiddir.
https://ebird.org/species/chucis1
https://en.wikipedia.org/wiki/Chubb%27s_cisticola
https://datazone.birdlife.org/species/factsheet/chubbs-cisticola-cisticola-chubbi
https://www.inaturalist.org/taxa/7661-Cisticola-chubbi
https://xeno-canto.org/species/Cisticola-chubbi
https://www.oiseaux.net/birds/chubb.s.cisticola.html
https://avibase.bsc-eoc.org/species.jsp?avibaseid=BFAEAE1D923971A8
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
