Covanqşin (Jowangshin, Hangul,Hanja) - Koreya şamanizmində ocaq və alov tanrısı. O, ailə ocağının qoruyucusu hesab olunur və tarixən bu tanrıya ibadət ən çox evin xanımları tərəfindən həyata keçirilmişdir. Müasir dövrdə ona ibadət adəti geniş yayılmasa da, Jowangshin Koreyanın ən məşhur tanrılarından biri olaraq qalmaqdadır. Jowangshinin Koreya xalqı tərəfindən ibadət obyekti olması minillər öncəyə, "Proto üç krallıq" dövrünə qədər gedib çıxır. Jowangshinə ibadət və ayinlər Jowangshinin ocaq üzərində yerləşən su qabı ilə təcəssüm etdiyinə inanılırdı. Bu qab gildə hazırlanmış qurbangah üzərində yerləşdirilirdi. Ritual mərasimi: Hər səhər evin xanımı erkən oyanar, yaxınlıqdakı quyudan təmiz su gətirər və bu suyu ocağın üstündəki qurbangahdakı qaba tökərdi. Sonra diz çökərək, xeyir-bərəkət və ailə üçün dualar edərdi. Xüsusi festivallar: Bayram günlərində Jowangshinə "tteok" (düyü keksi) və meyvələr təqdim olunurdu. Jowangshinin tələbləri: "Beş qadağa" Jowangshinin evdə baş verənləri yazaraq göylərə xəbər verdiyinə inanılırdı. Buna görə də, evin xanımları aşağıdakı beş qaydaya riayət etməli idi: 1. Ocaq başında söyüş söymək olmaz. 2. Ocağın üzərində oturmaq olmaz. 3. Ayaqları ocağa qoymaq olmaz. 4. Mətbəxin təmizliyi mütləq qorunmalıdır. 5. Mətbəxdə başqa tanrılara ibadət etmək olar. Mifologiyadakı yeri Jowangshinin mənşəyi Jeju adasının əfsanəsi olan "Munjeon Bonpuli"də izah olunur. Jowangshin həm mərhəmətli, həm də qisasçı ola bilər. Qisasçı ruh: "Seongjugut" dastanında Jowangshin, "Hwanguyangssi" adlı qəhrəmanın mətbəxi çirkləndirməsi səbəbindən onu ələ verməklə intiqam alır. Hwanguyangssi hər səhər palçıq içində olan ayaqqabılarını mətbəxə atır və xanımı ocağın üzərinə bıçaqlar qoyur. Jowangshin bunu tanrılara xəbər verərək "Hwanguyangssi"ni məhv edir. "Jangja Puli" əfsanəsində Jowangshin üç ölüm tanrısına ("Gangrim Doryeong", "Hae Wonmaek" və "Yi Deokchun") kömək edir. "Samajangja" adlı şeytani varlığın harada gizləndiyini söyləyir. Beləliklə Jowangshin ayaqlarını ocağa qoyan Samajangjadan intiqam alır. Xeyirxah ruh: "Chasa Bonpuli" əfsanəsində Jowangshin "Gangrim Doryeong" adlı qəhrəmana kömək edir. "Gangrim Doryeong"un həyat yoldaşı Jowangshinə "tteok" (düyü keksi) təqdim edir və bu səbəbdən tanrıça qəhrəmana himayədarlıq edir. Jowangshin ona dünyalar arasındakı yolu tapmaqda kömək edir və bu köməkliyi yalnız həyat yoldaşının hörmətindən dolayı göstərir. Digər adlar "Joshin" – Ocaq tanrısı "Jowanggaxi" – Mətbəx kraliçası "Jowangdaeshin" – Böyük ocaq tanrıçası "Buttumakshin" – Ocaq tanrısı

İstinadlar

https://en.wikipedia.org/wiki/Jowangsin

https://mythlok.com/jowangshin/

https://the-demonic-paradise.fandom.com/wiki/Jowangsin

https://civilisable.com/korean-mythology-gods/

https://hacheka.fandom.com/es/wiki/Jowangsin_(Coloso)

https://www.deviantart.com/ariadnedesigns/gallery/86475042/whispers-from-the-mudang-korean-mythology-chapter

Tarix : 17 dekabr 2024

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.