Psidium cattleyanum (Dünya Bitkiləri: Psidium cattleianum)n - Ümumi olaraq Cattley qvavası, çiyələk qvavası və ya albalı qvavası adlandırılan, Myrtaceae (mirt) ailəsinə aid kiçik bir ağac(2–6 m hündürlükdə). Bu növ, ingilis bağban William Cattleyin şərəfinə adlandırılmışdır. Onun cins adı Psidium, latınca "armlet" (kiçik qolbaq) mənasını verən psidion sözündən gəlir. Qırmızı meyvəli növü, P. cattleyanum var. Cattleyanum, ümumiyyətlə bənövşəyi qvava, qırmızı Cattley qvavası, qırmızı çiyələk qvavası və qırmızı albalı qvavası kimi tanınır. Sarı meyvəli növü isə, P. cattleyanum var. Littorale, müxtəlif adlarla, o cümlədən sarı Cattley qvavası, sarı çiyələk qvavası, sarı albalı qvavası, limon qvavası və Havayda waiawī olaraq tanınır. P. cattleyanum müəyyən iqtisadi faydalara malik olsa da, Havayda ən invaziv növ hesab olunur. Təsviri Psidium cattleyanum 13 metrə qədər böyüyə bilən, lakin adətən 2–4 m arasında olan, çoxbudaqlı bir ağacdır. Ağacın hamar, bozdan qırmızımtıl-qəhvəyi rəngə qədər dəyişən qabığı var, yarpaqları ovaldan ellipsvari formaya qədər dəyişir və 4.5 sm uzunluğa çatır. Bitki 3-6 yaş arasında meyvə verir. Meyvələri nazik qabıqlı, sarıdan tünd qırmızı və ya bənövşəyi rənglərə qədər dəyişir, oval formada və təxminən 4 sm uzunluqdadır. Çiçəkləri tək-tək və ya üçlük qruplar halında böyüyür və hər bir çiçək beş ləçəyə malikdir. Ekologiyası P. cattleyanum əsasən 1300 m-ə qədər olan hündürlüklərdə tropik meşələrdə olur, lakin əsasən 800 m-dən aşağıda rast gəlinir. Onun ana vətəni Braziliyanın Amazon hövzəsi olsa da, bu növ dünyanın bir çox tropik bölgələrinə yayılmışdır. İnvaziv xüsusiyyətlərinə görə, digər bitkilər üçün ciddi təhdid yaradır. İstifadəsi Bu bitkinin meyvəsi tam yeyilə bilər, çünki həm nazik qabığı, həm də şirəli iç hissəsi yumşaq və dadlıdır. Çiyələk qvavasından cem və şirələr hazırlana bilər. Yarpaqları isə çay kimi dəmlənə bilər. Taxtası sərt, möhkəm və davamlıdır, alətlər üçün sap, kömür və odun kimi istifadə edilir. Bitki Braziliyada bərpa olunan və qorunan ərazilərin meşəlikləşdirilməsi üçün əvəzolunmazdır.
https://en.m.wikipedia.org/w/index.php?title=Psidium_cattleyanum&wprov=rarw1
http://www.theplantlist.org/tpl1.1/record/kew-166659
http://www.tropicos.org/Name/22102275?tab=acceptednames
https://npgsweb.ars-grin.gov/gringlobal/taxonomydetail.aspx?id=30200
https://www.merriam-webster.com/dictionary/Psidium
http://eol.org/pages/2508592/overview
http://manoa.hawaii.edu/hpicesu/book/1992_chap/41.pdf
http://www.sciencedirect.com/science/article/pii/S0308814612004785
http://eol.org/pages/2508592/details#habitat
https://www.cabi.org/isc/datasheet/45135
https://arocha.pt/wp-content/uploads/2018/02/taxa-invasores-risco-0-1.pdf
https://web.archive.org/web/20090403112828/
http://www.fs.fed.us/psw/programs/ipif/strawberryguava/
https://www.nps.gov/plants/alien/fact/psca1.htm
https://doi.org/10.1007%2Fs10526-006-9043-3
http://www.hear.org/strawberryguavabiocontrol/
Tarix : 20 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
