Çin asmaquşu (Remiz consobrinus) - "Remizidae" fəsiləsinə aid bir quş növü. Bu növ ilk dəfə 1870-ci ildə Robert Svino tərəfindən təsvir edilmişdir. Mancuriyaya endemikdir. "Remizidae" fəsiləsində 10 növ var. Onlar fərqli növlərə bənzəyir, lakin xarakterik asma yuvalar qururlar. Açıq sahələrdə və su-bataqlıq ərazilərində yaşayırlar. Dimdiklərinin ucları itidir və erkək və dişi fərdlər görünüş etibarilə oxşardır. Təsvir Quşların uzunluğu 11 sm-dir. Kiçik, açıq rəngli quşlardır, nazik uclu dimdikləri var və tez-tez 10–20 fərddən ibarət qruplarda rast gəlinir. Erkək: Boz rəngli baş və ensə. Alnından başlayan qara maska ağ kənarlıdır. Şabalıdı rəngli bel, yarım yaxalıq və qanad örtükləri uçuş zamanı tünd qanadlar və qara quyruqla ziddiyyət təşkil edir. Ağ alt hissələr qəhvəyi ləkələrlə işarələnmişdir. Dişi: Maskası qəhvəyi rəngdədir. Üst hissələri daha qəhvəyi rəngdədir və şabalıdı rəng yoxdur. Yaşayış mühiti və davranış Çin asmaquşu xüsusilə Mancuriyada qamışlıqlarda və bataqlıqlarda rast gəlinir; qışı Şərqi Asiyada (Xüsusilə Yantszı çayı vadisi boyunca) seyrək halda keçirir. Çoxalma və qışlama dövrlərində kənd təsərrüfatı otlaqları, bataqlıqlı və ya şor sulu sahələrdə yaşayır. Tez-tez 10–20 fərddən ibarət qruplarda rast gəlinir. Qışı Çinin cənubunda keçirir. Çin asmaquşu həşəratlarla qidalanır. Həşəratlar, sürfələr, hörümçəklər, tırtıllar və bəzən, xüsusilə qışda, kiçik toxumlarla qidalanır. Quş akrobatik dırmaşma qabiliyyətinə malikdir, bir ayaq üstündə asılı qala bilir və digər ayağı ilə qidasını tuta bilir. Çoxalma Erkək fərd 3–15 metr hündürlükdə olan ağacı seçir ki, yuva orada qurulsun. Çin asmaquşunun yuvası memarlıq möcüzəsidir. Armud şəkilli bir çanta görünüşündədir. Yuva boruşəkilli bir əlavə ilə uzadılır və yan giriş təqdim edir. Dişi fərd yuvanın içərisini tərtib etdikdən sonra adətən 5–10 yumurta qoyur və yumurtaları tək başına 12–15 gün müddətində qoruyur. Balalar uçmağa başladıqdan sonra yuva deformasiyaya uğrayır və qismən dağılır. Onlar 15–20 gün müddətində yatmaq üçün yuvanı ziyarət edir, sonra isə ərazini tərk edirlər. Qorunma statusu Populyasiya artır, "Beynəlxalq Təbiəti Mühafizə İttifaqı" (IUCN) tərəfindən "Least Concern" (Az Riskli) kimi qiymətləndirilir.
https://ebird.org/species/chptit1
https://en.wikipedia.org/wiki/Chinese_penduline_tit
https://www.inaturalist.org/taxa/13678-Remiz-consobrinus
https://birdsoftheworld.org/bow/species/chptit1/cur/introduction
https://wildbeijing.org/2012/10/16/chinese-penduline-tits/
https://xeno-canto.org/species/remiz-consobrinus
https://www.shanghaibirding.com/birds-of-china/chinese-penduline-tit/
https://datazone.birdlife.org/species/factsheet/chinese-penduline-tit-remiz-consobrinus
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
