Ceyms Maksuell Makonnel Fişer (3 sentyabr 1912 – 25 sentyabr 1970) - Britaniyalı yazıçı, redaktor, aparıcı, təbiətşünas və ornitoloq. O, həmçinin Gilbert White üzrə aparıcı mütəxəssis sayılırdı və təbiət tarixi mövzularında 1000-dən çox radio və televiziya proqramında çıxış etmişdi. Erkən həyatı Bu bölmədə mənbələr göstərilməyib. Zəhmət olmasa, etibarlı mənbələr əlavə edərək bu bölməni təkmilləşdirməyə kömək edin. Mənbəsiz materiallar mübahisə oluna və silinə bilər. Fişer, həmçinin həvəsli bir ornitoloq olan və 1922–1945-ci illərdə Oundle Məktəbinin direktoru kimi çalışmış Kennet Fişerin oğlu idi. O, Eton Kollecində təhsil almış və əvvəlcə Oksford Universitetinin Maqdalen Kollecində tibb sahəsində oxumuşdur, lakin sonradan zoologiya ixtisasına keçmişdir. 1933-cü ildə Oksfordun Arktik ekspedisiyasında ornitoloq kimi iştirak etmişdir. Karyerası Universiteti bitirdikdən sonra London Zooparkında assistent kurator kimi çalışmış və müharibə dövründə Kənd Təsərrüfatı Nazirliyi üçün qarğa növlərini tədqiq etmişdir. O, sonralar Britaniya Kral Quşları Mühafizə Cəmiyyətinin (RSPB) və Beynəlxalq Təbiətin Mühafizəsi İttifaqının (IUCN) aparıcı üzvü, Milli Parklar Komissiyasının üzvü və Kənd Təsərrüfatı Komissiyasının sədr müavini olmuşdur. Fişer BBC Radiosunda "Britaniyada Quşlar" proqramını 1951-ci ilin mart ayından başlayaraq 12 il ərzində aparmışdır. 1955-ci il sentyabrın 18-də o, Böyük Britaniya adından Şimal Atlantikada yerləşən kiçik, qeyri-yaşayış və qayalıq olan Rokoll adasında rəsmi olaraq Birləşmiş Krallığın bayrağını qaldıran kiçik heyətin üzvlərindən biri idi. O, öz kitablarını yazmaqla yanaşı, "Collins New Naturalist" seriyasının redaktoru olmuşdur. O, 1950-ci illərdə BBC Radiosunda "Uşaq Saatı" proqramının tərkibində yayımlanan "Təbiət Parlament" seriyasında daimi ornitoloq kimi çıxış edirdi. Onun yazıları və televiziya çıxışları, İkinci Dünya Müharibəsindən sonra Böyük Britaniyada quş müşahidəsinə marağın artmasında mühüm rol oynamışdır. 1966-cı ildə o, Britaniya Ornitologiya Etimad Fondunun Bernard Taker Medalına layiq görülmüşdür. Şəxsi Həyatı O, Marceri Lilian Edit Törner ilə evli idi və onların altı övladı olmuşdur, o cümlədən nəşriyyatçı Edmund Fişer. Ceyms Fişer 25 sentyabr 1970-ci ildə avtomobil qəzasında vəfat etmişdir. İrsi Fişerin ölümündən sonra onun xatirəsi iki şəkildə yad edilmişdir. İctimai kampaniya nəticəsində Orknidə yerləşən Kopinsay dəniz quşları adası daimi təbiət qoruğu kimi alınaraq onun adına həsr olunmuşdur. Onun sənədləri sonradan Bryus Kolman və Con Burton tərəfindən alınıb Milli Arxivə təqdim edilmişdir.
https://findoes.etoncollege.com/james-fisher/
https://en.wikipedia.org/wiki/James_Fisher_(naturalist)
https://en.wikipedia.org/wiki/James_Fisher
https://www.harpercollins.ca/author/cr-180301/james-fisher/
https://www.harpercollins.ca/9780007406258/sea-birds-collins-new-naturalist-library-book-28/
https://www.google.com/url?sa=t&rct=j&q=&esrc=s&source=web&cd=&cad=rja&uact=8&ved=2ahUKEwixv7PysbuLAxX3UaQEHTckGP04ChAWegQIFxAB&url=https%3A%2F%2Fwww.mwbooks.ie%2FadvSearchResults.php%3FauthorField%3DJames%2BFisher%26action%3Dsearch&usg=AOvVaw0abfUBo92b2dXl6J85h9by&opi=89978449
https://www.abebooks.co.uk/book-search/title/the-new-naturalist-a-journal-of-british-natural-history/author/james-fisher-ed/
https://www.wikiwand.com/en/articles/James_Fisher_(naturalist)
Tarix : 11 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
