Çəngəldimdik balıqçıl ("Melidora macrorrhina") - "Halcyoninae" yarımfəsiləsinə aid olan və Yeni Qvineyanın meşəlik düzənliklərində və yaxınlıqdakı bəzi adalarda yaşayan bir balıqçıl növü. Taksonomiya Çəngəldimdik balıqçıl ilk dəfə 1827-ci ildə fransız cərrah və təbiətşünas Rene Lesson tərəfindən "Dacelo macrorrhina" binominal adı ilə təsvir edilmişdir. Hazırda bu növ Lesson tərəfindən 1830-cu ildə təqdim edilmiş "Melidora" cinsinə daxildir. Cins adı, yunan dilində "sarı" mənasını verən "mēlis" və "nizə" mənasını verən "doru" sözlərindən götürülmüşdür. Növ adı olan "macrorrhina" isə yunan dilində "uzun" mənasını verən "makros" və "burun" mənasını verən "rhis" sözlərindən törəmişdir. Bu növün üç yarımnövü var: -"M. m. waigiuensis" (Hartert, 1930) – Vaigeo adası -"M. m. macrorrhina" (Lesson, R, 1827) – Qərbi, mərkəzi və şərqi Yeni Qvineya, Misool və Batanta adaları -"M. m. jobiensis" (Salvadori, 1880) – Şimal Yeni Qvineya və Yapen adası Təsvir Çəngəldimdik balıqçıl böyük və tıx bir balıqçıl növüdür. Uzunluğu 27 sm, çəkisi isə 85-110 qramdır. Gözlərinin altında uzun ağ zolaq var. Alt hissələri ağ rəngdədir. Ayaqları solğun sarı rəngdədir. Çoxalma Çəngəldimdik balıqçıl, yerdən 3-6 metr yüksəklikdə yerləşən aktiv ağac termit yuvalarında yuva qazır. Yuvaya iki ağ yumurta qoyulur və yumurtalar asinxron şəkildə çatlayır. Erkək fərd yumurtaların inkubasiyası və balaların böyüdülməsində kömək edir. Qidalanma Bu növ əsasən həşəratlar və qurbağalarla qidalanır. Qazmaqla qidalanma üsulu ilə "kürəkdimdik kukaburra"ya bənzəyir. Torpağı qazaraq ovunu axtarır.
https://ebird.org/species/hobkin1
https://en.wikipedia.org/wiki/Hook-billed_kingfisher
https://xeno-canto.org/species/Melidora-macrorrhina
https://birdsoftheworld.org/bow/species/hobkin1/cur/introduction
https://datazone.birdlife.org/species/factsheet/hook-billed-kingfisher-melidora-macrorrhina
https://avibase.bsc-eoc.org/species.jsp?avibaseid=EC72DAC4AAAC430D
https://animalia.bio/hook-billed-kingfisher
https://www.oiseaux.net/birds/hook-billed.kingfisher.html
https://xeno-canto.org/species/Melidora-macrorrhina?view=3
Tarix : 2 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
