Brumunddal — Norveçin İnlandet dairəsində yerləşən Rinqsaker bələdiyyəsinin şəhəridir. Şəhər bələdiyyənin inzibati mərkəzidir. O, Mjösa gölünün sahilində, Hamar şəhərindən təxminən 10 km şimalda yerləşir. Brumunddal kənd təsərrüfatı əraziləri və təsərrüfatlarla əhatə olunmuş, əhalinin sıx məskunlaşdığı kiçik yaşayış məntəqəsidir. Şəhər yüksəkliklərdən Mjösa gölünə doğru axan Brumunda çayının mənsəbində yerləşir. Brumunddal kilsəsi də burada yerləşir. Brumunddal şəhər mərkəzi 7,34 km² sahəyə malik şəhərin 2024-cü ildə əhalisi 11 337 nəfər, əhalinin sıxlığı isə 1 km²-ə 1545 nəfər olmuşdur. Bu göstəriciyə görə Brumunddal bütün Rinqsaker bələdiyyəsinin ən böyük yaşayış məntəqəsidir. Şəhərin əsas sənaye sahələri kənd təsərrüfatı, filiz emalı və turizmdir. Tine şirkətinin də şəhərdə böyük istehsal müəssisəsi var. Brumunddal Norveçin ən məşhur dondurulmuş pizza markalarından biri olan Grandiosanın yaradılmasında əsas rol oynamış qadının doğma şəhəridir. Şəhərin yerli futbol komandası Brumunddal Fotballdur. Dünyanın ən hündür laminasiya edilmiş ağac konstruksiyası olan 18 mərtəbəli Mjöstaarnet binası Brumunddalda yerləşir. İdman By speedwaybane şəhərin şimal-qərbində, ucqar ərazidə, Lillehaugvegen yolunun kənarında yerləşən motosiklet sürəti yarış meydançasıdır (60°54′08″ şm. e. 10°54′33″ ş. u.). Yarış meydançasında tədbirlər Mjøsa Speedwayklubb tərəfindən təşkil olunur. Burada Norveç fərdi sürət yarışı çempionatının final mərhələsi 2017 və 2023-cü illərdə keçirilib. Həmçinin bax Norveç Oslo Alta Tromsö İstinadlar

İstinadlar

https://az.wikipedia.org/wiki/Brumunddal

https://geohack.toolforge.org/geohack.php?language=az&pagename=Brumunddal&params=60_53_0_N_10_56_0_E_scale:100000_type:city

https://maps.google.com/maps?ll=60.88333,10.93333&q=60.88333,10.93333&spn=0.1,0.1&t=h&hl=az

https://yandex.ru/maps/?ll=10.93333,60.88333&pt=10.93333,60.88333&spn=0.1,0.1&l=sat,skl

https://www.openstreetmap.org/?mlat=60.88333&mlon=10.93333&zoom=12

https://stadnamn.kartverket.no/fakta/252280

https://www.ssb.no/en/befolkning/folketall/statistikk/tettsteders-befolkning-og-areal

Tarix : 7 sentyabr 2026