Bozbel fırtına quşu (Garrodia nereis) - "Oceanitidae" fəsiləsinə aid olan cənub fırtına quşu növü. Ümumi məumat Bu növ "Garrodia" cinsinin yeganə növüdür. Antarktida, Argentina, Avstraliya, Çili, Folklend adaları, Fransa Cənub Əraziləri, Yeni Zelandiya, Müqəddəs Yelena, Cənubi Afrika, Cənubi Georgiya və Cənubi Sandviç adalarında tapılır. Onun təbii yaşayış mühiti açıq dənizlərdir. Bu növ, xüsusilə aşağı görünürlük şəraitində parlaq işıqlara cəlb olunur. Taksonomiya "Garrodia" cinsi 1881-ci ildə Uilyam Aleksandr Forbes tərəfindən yaradılmış və ingilis zooloqu Alfred Henri Qarrodun şərəfinə adlandırılmışdır. Növün xüsusi təsviri isə yunan mifologiyasında dəniz nimfaları olan Nereidlərə istinad edir. Təsvir Bozbel fırtına quşu kiçik bir quşdur, çəkisi 21–44 qram, qanadları arası məsafə isə 39–40 sm-dir. Fəsilənin digər növləri kimi ümumilikdə tünd boz rəngdədir, başı və qarnı qara rəngdədir, lakin onu aralıq ərazidəki digər fırtına quşlarından fərqləndirən xüsusiyyət, digərlərinin ağ rəngli belinə qarşı onun açıq boz belidir. Bozbel fırtına quşunun açıq rəngli beli, qara ayaqları, kvadrat şəkilli quyruğu və ağ qarnı var. Yayılması Bozbel fırtına quşu subantarktik ərazilərdə üç ayrı populyasiya ilə yayılmışdır: biri Cənubi Amerikanın sahillərində, biri Cənubi Afrikanın sahillərində və biri Avstraliyanın sahillərində. Bu növ Folklend adalarında, Çatham adalarında, Qof adasında, Krozet adalarında, Kergelen adasında, Yeni Zelandiyanın subantarktik adalarında və Yeni Zelandiyanın materik hissəsindəki Fiordlandda çoxalır. Davranış Bozbel fırtına quşları çoxalma mövsümündən kənar dövrdə əsasən tək-tək yaşayır. Avqustdan marta qədər böyük koloniyalarda çoxalır və valideynlik vəzifələrini bölüşürlər.
https://en.wikipedia.org/wiki/Grey-backed_storm_petrel
https://www.nzbirdsonline.org.nz/species/grey-backed-storm-petrel
https://ebird.org/species/gybstp1
https://datazone.birdlife.org/species/factsheet/grey-backed-storm-petrel-garrodia-nereis
https://xeno-canto.org/species/garrodia-nereis
https://www.inaturalist.org/taxa/4166-Garrodia-nereis
https://www.oiseaux-birds.com/card-grey-backed-storm-petrel.html
Tarix : 1 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
