Boz yanaqlı paraket (Brotogeris pyrrhoptera) - Daha az məlum adı ilə "al-qanadlı paraket", "Psittacidae" fəsiləsinin, "Arinae" yarımfəsiləsinə aid olan və Afrika ilə "Yeni Dünya" tutuquşularını əhatə edən, "Zəif" statuslu quş növü. Taksonomiya və sistematika Boz yanaqlı paraket 1801-ci ildə Con Latham tərəfindən təsvir edilmiş və adlandırılmışdır. Bu növ monotipikdir. Boz yanaqlı paraket və "Brotogeris jugularis" (narıncı-çənəli parakit) qardaş növlər hesab olunur. Təsvir Boz yanaqlı paraket 19–20,5 sm (7,5–8,1 düym) uzunluğunda və 60–68 q (2,1–2,4 unsiya) çəkisindədir. Yetkin fərdlərin əsas rəngi yaşıldır, alt hissələri isə daha açıq və sarımtıldır. Başının üstü açıq mavi, yanaqları və boyun yanları açıq boz rəngdədir. Göz ətrafı və dimdiyi ağ rənglidir. Birinci dərəcəli örtük lələkləri tünd mavi, alt qanad örtükləri isə narıncıdan narıncı-qırmızıya qədər rənglərdədir. Cavan fərdlərdə başın üstü mavi əvəzinə yaşıl rəngdədir. Yayılması və yaşayış mühiti Boz yanaqlı parakit Ekvadorun qərbindəki Manabí əyalətindən cənuba doğru, Perunun şimal-qərbindəki Piura departamentinə qədər olan ərazilərdə yayılmışdır. Bu növ həm tökülən, həm də həmişəyaşıl meşələr, açıq meşəliklər, kolluqlar və əkin sahələri kimi müxtəlif landşaftlarda yaşayır. Şimalda ən çox 300 m (1000 fut) yüksəklikdə tapılsa da, cənubda 1550 m (5100 fut) yüksəkliyə qədər rast gəlinir. Hərəkət Boz yanaqlı paraketin bəzi mövsümi köçlər etdiyi ehtimal olunur. Qidalanma Boz yanaqlı paraketin qidalanması müxtəlif bitkilərin çiçək, toxum və meyvələrini əhatə edir. Həmçinin mədəni bananlarla da, qidalandığı ehtimal edilir. Çoxalma Boz yanaqlı parakitin çoxalma mövsümü əsasən yanvardan marta qədər davam edir. Adətən iri ağac gövdələrindəki təbii boşluqlarda yuva qursa da, bəzən ağac termit yuvalarını da oyuq halına gətirərək yuvaya çevirir. Qəfəsdə olan fərdlərdə yuva 4–7 yumurta ilə qurulur və balalar təxminən altı həftə sonra uçmağa başlayır. Qəfəs şəraitində Boz yanaqlı parakit öz doğma yaşayış mühitində belə geniş yayılmış ev quşudur. Səbir və diqqətlə bu quşlar insan səslərini təqlid etməyi öyrənə bilər, lakin daha iri tutuquşular qədər aydın danışa bilmirlər. Status "Beynəlxalq Təbiəti Mühafizə İttifaqı" (IUCN) ilk dəfə boz yanaqlı paraketi "Təhlükə Altında" kimi qiymətləndirmiş, 2000-ci ildə "Təhlükəli" statusuna yüksəltmiş, lakin 2021-ci ildə "Zəif" statusuna endirmişdir.
https://en.wikipedia.org/wiki/Grey-cheeked_parakeet
https://ebird.org/species/gycpar1
https://parrots.org/encyclopedia/grey-cheeked-parakeet/
https://datazone.birdlife.org/species/factsheet/grey-cheeked-parakeet-brotogeris-pyrrhoptera
https://animalia.bio/grey-cheeked-parakeet#google_vignette
https://www.inaturalist.org/taxa/72570-Brotogeris-pyrrhoptera
https://parrots.org/gallery/grey-cheeked-parakeet
Tarix : 1 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
