Tac-ul-Masajid (Ərəbcə: تَاجُ ٱلْمَسَاجِد, mənası "Məscidlərin Tacı") - həmçinin Tac-ul-Məscid (Ərəbcə: تَاجُ ٱلْمَسْجِد) kimi də tanınan, Hindistanın Madhya Pradesh ştatının Bhopal şəhərində yerləşən, Təbliğ Camaatına bağlı, Deobandi hərəkatının bir hissəsi olan sünni məscidi. Təxminən 175.000 ibadətçinin tutumu ilə Hindistanın ən böyük məscididir və 2014-cü ilədək dünyanın doqquzuncu ən böyük məscidi idi. Tarix Tac-ul-Masajidin inşasına, Bhopalın Nəvvabı Şah Jahan Begüm tərəfindən yeni inşa edilmiş divarlı Shahjahanabad şəhərətrafı ərazisində başlanmışdır. İnşanın nə vaxt başladığı dəqiq bilinmir; Şarma, bunun 1871-ci il olduğunu təxmin etmişdir. Bhopallı jurnalist və "Masajid-e-Bhopal" (Bhopaldakı Məscidlər) kitabının müəllifi Aarif Əziz, tarixi 1887-ci il olaraq göstərmişdir. Şah Jahan Begüm 1901-ci ildə vəfat etdikdən sonra, məscidin inşası ömrünün sonuna qədər qızı Sultan Jahan Begüm tərəfindən davam etdirilmişdir. Quruluş, üç su hövzəsinin, yəni Munshi Hussain Talab; Nur Mahal Talab; və Motia Talabın ortasında planlaşdırılmışdır. Həmidullah Xan, Şah Jahan Begümün təklifləri ilə məscidin bir qapısını inşa etməyə kömək etmişdir. İnşaat işlərinə daha sonra qardaşı Salman Xan Nadwi inşaatlara nəzarət edən İslam alimi İmran Xan Nadwi rəhbəlik etmişdir. İnşaat, 20 milyon Hindistan rupisi xərclə 1958-ci ildə tamamlanmışdır. Məscidin girişi, Küveyt Əmiri tərəfindən mərhum arvadının xatirəsinə 13-cü əsr Suriya məscidlərindən motivlərlə təmir edilmişdir. COVID-19 pandemiyası zamanı məscid, peyvənd mərkəzi kimi istifadə edilmişdir. Memarlıq Tac-ul-Masajid, əsasən Mughal memarlığından ilham alır. Məscidin, mərmər günbəzləri olan iki 18 mərtəbəli yüksək səkkizbucaqlı minarəsi, cazibədar sütunları olan təsirli bir əsas dəhlizi və Delhidəki Cama Məscidi və Lahordakı Badshahi Məscidinə bənzər mərmər döşəməsi olan çəhrayı bir fasadı var. Mərkəzdə böyük bir dəstəmaz hovuzu olan bir həyəti var. Əsas namaz zalında dörd girintili tağ və doqquz dişli çoxqatlı açılışı olan iki mərtəbəli bir qapısı var. Zaldakı böyük sütunlar, 16 tavanı bəzəkli ləçəkli dizaynlarla bəzədilmiş, çəpləşdirilmiş tağlar vasitəsilə 27 tavanı tutur. Məsciddə, məscidin tikintisi zamanı qadınlar üçün evdən namaz qılmaq norması nəzərə alındığında nadir olan bir zenana da var.
https://bhopal.nic.in/en/tourist-place/taj-ul-masajid/
https://www.agatetravel.com/taj-ul-masajid-bhopal-india.html
https://mapacademy.io/article/taj-ul-masajid-bhopal/
https://www.ravenouslegs.com/blog/taj-ul-masajid-crown-of-the-mosques-bhopal-the-largest-mosque-in-india
https://www.tripuntold.com/madhya-pradesh/bhopal/taj-ul-masajid/
https://www.incredibleindia.gov.in/en/madhya-pradesh/bhopal/taj-ul-masjid
https://en.wikipedia.org/wiki/Taj-ul-Masajid
Tarix : 16 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
