Bəzəkli ağac tısbağası (Rhinoclemmys pulcherrima) - Geoemydidae fəsiləsinə aid olan Rhinoclemmys cinsinə daxil olan doqquz tısbağa növündən biri. Dörd yarımnövü tanınır. Təsvir Bəzəkli ağac tısbağaları maksimum 20 sm uzunluğa çata bilir. Qabarıq formasında qabığı (karapaks) var və qarın tərəfdəki plastronunda davamlı bir xətt mövcuddur. Bədənində qırmızı zolaqlar var və ayaqları pərdəlidir. Yayılması Bu növ Meksikada (Sonoradan cənuba doğru) və Mərkəzi Amerikada, Cənuba doğru Kosta-Rika və Panama qədər yayılmışdır. Yaşayış mühiti Bəzəkli ağac tısbağaları tropik meşələrdə, dayaz çaylarda və kolluqlarda yaşayır. Əsasən quru ərazilərdə yaşasa da, bəzən dayaz sularda da tapıla bilər. Qidalanma Bəzəkli ağac tısbağaları meyvə, həşərat və qurdlarla qidalanır. Onların pəhrizinin 60%-ni yaşıl yarpaqlı tərəvəzlər, 30%-ni zülal və 20%-ni isə meyvə və tərəvəzlər təşkil etməlidir. Müxtəlif pəhrizlə yanaşı, sağlam qabıq inkişafı üçün əlavə kalsium tələb olunur. Su tısbağalarından fərqli olaraq, bəzəkli ağac tısbağası qidanı udmaq üçün suya ehtiyac duymur. Çoxalma Bəzəkli ağac tısbağaları yumurta qoyur. Dişilər bir dəfəyə 3–5 yumurta qoyur. Aşağı temperaturda yumurtalar erkən mərhələdə yuxu vəziyyətinə keçə bilər və aşağı temperaturda bir müddət yuxuda qala bilər, temperatur normallaşdıqda inkubasiya davam edir.
https://animaldiversity.org/accounts/Rhinoclemmys_pulcherrima/
https://www.tortoisetrust.org/articles/rhinoclemmys.html
https://nas.er.usgs.gov/queries/factsheet.aspx?SpeciesID=1257
https://www.aquariumsystems.eu/Files/132025/21121191454316.pdf
https://www.reptiletalk.net/painted-wood-turtle/
https://www.inaturalist.org/taxa/39932-Rhinoclemmys-pulcherrima
https://en.wikipedia.org/wiki/Painted_wood_turtle
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
