Barbarano Romano — İtaliyanın Latsio regionunda, Viterbo əyalətində yerləşən şəhər və bələdiyyədir. Romadan təxminən 50 km şimal-qərbdə, Viterbodan isə təxminən 20 km cənubda yerləşir. Barbarano Romano Blera, Kapranika, Veyano, Vetralla və Villa San Covanni in Tuscia bələdiyyələri ilə həmsərhəddir. Tarix Şəhərin yerləşdiyi vulkanik yüksəklikdə Tunc dövrünə aid qədim yaşayış məntəqəsinin olduğu ehtimal edilir. Təpənin ətəyində aşkar edilmiş çoxsaylı arxeoloji artefaktlar bunu təsdiqləyir. Lakin burada sabit yaşayış məntəqəsinin mövcudluğuna dair ilk yazılı məlumatlar yalnız Orta əsrlərə aiddir. Via Vittorio Emanuele küçəsinin sonunda 1930-cu ilə qədər beşbucaqlı qüllə yerləşirdi. Bu qüllə Lombardların Desiderius qalasının qalıqları idi. Sonuncu Lombard kralının adını daşıyan qala təxminən 771-ci ildə Viterbo və ətraf yaşayış məntəqələrini Böyük Karlın franklarına qarşı müdafiə etmək məqsədilə möhkəmləndirilmişdi. Santa Maria Assunta kilsəsinin girişində yerləşən 1280-ci il tarixli mərmər lövhə, kilsənin həmin ildə, III Nikolayın ölümündən sonra yaranmış papalıq boşluğu dövründə inşa edildiyini göstərir. Bu dövrdə Barbarano Lombard Roma hersoqluğunun tərkibində idi. 728-ci ildə Liutprand tərəfindən edilən ianədən sonra hersoqluq VIII əsrdə Kilsənin mülkiyyətinə keçmişdi. XIV əsrdə Barbarano Anquillara ailəsinin mülkiyyətində olmuş, daha sonra XV əsrdə Orsini ailəsinin və nəhayət Borcialar sülaləsinin hakimiyyətinə keçmişdir. Arxeologiya Barbarano Romanoda San Culiano nekropolu yerləşir. Bu, etruskların e.ə. VII əsrdən III əsrə qədər istifadə etdiyi dəfn kompleksidir. Buradakı məzarlar arasında e.ə. V əsrə aid olan “Kraliça məzarı” ən böyük məzar kimi seçilir. 2024-cü ilin martında nekropol ərazisində daha bir iri məzar aşkar edilmişdir. Ərazidəki arxeoloji tədqiqatlar 1960-cı illərdə VI Qustavun təşəbbüsü ilə başlanmış və Cənubi Etruriya Arxeoloji Superintendency tərəfindən davam etdirilmişdir. Professor Stepan Steinqreberin rəhbərliyi ilə aparılan tədqiqatlar nəticəsində burada Roma Sapienza Universiteti ilə əlaqəli muzey yaradılmışdır. Muzeyin eksponatları Neolit dövründən Dəmir dövrünə qədər olan dövrü əhatə edir. Burada Villanova dövrünə aid nümunələrlə yanaşı, etrusk mədəniyyətinə məxsus keramika, dəfn heykəlləri və ex-voto nümunələri nümayiş etdirilir. Ən diqqətçəkən eksponatlardan biri “kahinə” adlanan sarkofaqdır. Sarkofaqın üzərində dini alət tutan qadın fiquru təsvir edilmişdir. Muzeydə, həmçinin, şir heykəli də daxil olmaqla, demək olar ki, insan ölçüsündə olan çoxsaylı etrusk dəfn heykəlləri saxlanılır. Görməli yerlər Orta əsr şəhər divarları XII–XIII əsrlərdə inşa edilmiş Müqəddəs Xaç kilsəsi (Chiesa del Crocifisso) Müqəddəs Ancelo (Sant'Angelo) istifadəsiz kilsəsi XIII əsrdən XVI əsrin sonlarına qədər inşa edilmiş Santa Maria del Piano kilsəsi Bələdiyyə sarayı Qədim San Culiano nekropolu İstinadlar

İstinadlar

https://az.wikipedia.org/wiki/Barbarano_Romano

https://geohack.toolforge.org/geohack.php?language=az&pagename=Barbarano_Romano&params=42_15_1_N_12_4_3_E_scale:100000_type:city

https://maps.google.com/maps?ll=42.25028,12.06750&q=42.25028,12.06750&spn=0.1,0.1&t=h&hl=az

https://yandex.ru/maps/?ll=12.06750,42.25028&pt=12.06750,42.25028&spn=0.1,0.1&l=sat,skl

https://www.openstreetmap.org/?mlat=42.25028&mlon=12.06750&zoom=12

https://archaeology.org/news/2024/03/12/240312-italy-etruscan-necropolis/

http://www.comunebarbaranoromano.it/joomla/

Tarix : 9 oktyabr 2026