Avstraliya teryeri - Teryer tipli kiçik bir it növü. Bu irq Avstraliyada inkişaf etdirilsə də, onun əcdadları Böyük Britaniyadan gətirilən it növləridir. Görünüş Qısa ayaqlı kiçik bir itdir və çəkisi təxminən 6.5 kq, boyu isə 25 sm civarındadır. Orta uzunluqda tükə və sərt ikiqat xəzə malikdir, adətən kəsilmir. Burun, ayaqlar və pəncələrdə tüklər daha qısadır və boyun ətrafında yaxalıq var. Xəz rəngləri mavi və ya gümüşü-qəhvəyi olur, daha açıq rəngli bir üst yığma (topknot) ilə birlikdə üz, qulaqlar, bədən və ayaqlarda qəhvəyi işarələr var. Bütöv qırmızı rəngdə qum rəngli növləri də mövcuddur. Quyruq ənənəvi olaraq kəsilirdi, bu, itin sahədə işləyərkən və ov zamanı onurğa zədələnmələrindən qorunması üçün edilirdi. Tarix 19-cu əsrin əvvəllərində Böyük Britaniyadan Avstraliyaya gətirilən tüklü teryer növlərindən törəmişdir. Bu əcdad növlərin hamısı siçan və siçovulları məhv etmək üçün saxlanılırdı. Avstraliya teryeri, "Kern Teryeri", "Qısa Tüklü Skye Teryeri" və "Dandie Dinmont Teryeri" ilə ortaq əcdadlara malikdir. İrqin inkişafı zamanı Yorkşir teryerləri və İrlandiya teryerləri də bu itlərə qarışdırılmışdır. Bu irqin inkişafı Avstraliyada təxminən 1820-ci ildə başlamışdır və ilk vaxtlar "Tüklü Teryer" adlandırılırdı. İrq 1850-ci ildə rəsmi olaraq tanındı və 1892-ci ildə Avstraliya teryeri adlandırıldı. Avstraliya teryeri ilk dəfə 1906-cı ildə Melburnda keçirilən bir it sərgisində nümayiş etdirildi və eyni vaxtda Böyük Britaniyada da nümayiş olundu. Sağlamlıq Avstraliya teryeri, Avtoimmün xəstəliklərə meyllidir. 2002-ci ildə "Avstraliya Teryeri Klubu" tərəfindən aparılan bir sorğuda, ən çox ölüm səbəbləri arasında qocalıq (17%), xərçəng (15%) və şəkərli diabet (13%) qeyd edilmişdir. İtlərdə ən çox rast gəlinən xəstəliklər arasında şəkərli diabet (10%), diz çıxığı (9%), qulaq infeksiyaları (5%), katarakt (5%), bitlərə qarşı allergiya (5%), çarpaz bağ yırtılması (4%) və hipotireoz (4%) var. Ömür müddəti 2002-ci ildə Amerikada aparılan sorğuda, Avstraliya teryerinin orta ömür müddəti 11 il olaraq qeyd edilmişdir. Dişi itlər təxminən bir il daha uzun yaşayır. Böyük Britaniyada irq klubunun üzvləri arasında aparılan bir sorğuda isə orta ömür müddəti 12 ildən bir qədər çox olaraq müəyyən edilmişdir. Temperament İrq standartına görə, ideal Avstraliya teryeri temperamentli, diqqətli və "siçan və kirpi ovçusunun təbii aqressivliyinə" malik olmalıdır. Avstraliya teryeri, Stenli Korenin "İtlərin Zəkası" siyahısında 34-cü yerdədir və "iş və itaət" zəkası baxımından ortalamanın üzərindədir, bu da yaxşı təlim qabiliyyətini göstərir. Qidalanma Bala, yetkin və yaşlı Avstraliya teryerləri balanslı qidalanmaya ehtiyac duyur. Xüsusilə, düzgün qidalanma vacib vitaminlər, yağlar, minerallar, qida maddələri, proteinlər və karbohidratları ehtiva etməlidir. Balalar və yetkin Avstraliya teryerləri yüksək keyfiyyətli yemək yeməlidir. Bu cins piylənməyə meyilli olduğu üçün həddindən artıq çox yeməməsi vacibdir. Ən çox qoyulan 10 ad 1.Bowen 2.Beefcake 3.Acacia 4.Dolly 5.Ciara 6.Teddy 7.Bayu 8.Lutana 9.Shadow 10.Tirich
https://en.wikipedia.org/wiki/Australian_Terrier
https://a-z-animals.com/animals/australian-terrier/
https://www.akc.org/dog-breeds/australian-terrier/
https://www.petmd.com/dog/breeds/australian-terrier
https://dogtime.com/dog-breeds/australian-terrier
https://www.thekennelclub.org.uk/search/breeds-a-to-z/breeds/terrier/australian-terrier/
https://www.dogster.com/dog-breeds/australian-terrier
https://www.purina.co.za/find-a-pet/dog-breeds/australian-terrier
https://www.thesprucepets.com/australian-terrier-full-profile-history-and-care-4766868
https://www.webmd.com/pets/dogs/what-to-know-about-australian-terriers
https://www.hillspet.com.au/dog-care/dog-breeds/australian-terrier
https://wagwalking.com/breed/australian-terrier
Tarix : 13 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
