Avstraliya dumanı (Spotted Mist) - Avstraliyada inkişaf etdirilən bir pişik cinsi. Bu cins, "Abyssinian" pişiyi, "Burma" pişiyi və "Avstraliya Tabby" pişiyi arasında bir keçid olaraq yaradılmışdır. Avstraliya dumanı, xüsusi və unikal kürk naxışına malikdir, bu da ona duman adının verilməsinə səbəb olmuşdur. Tarix Avstraliya dumanı cinsi 1977-ci ildə Avstraliyada Doktor Truda Strade tərəfindən inkişaf etdirilmişdir. Cinsin ilkin gen hovuzu təxminən 30 təsisçi pişiyindən ibarət olub. Doktor Strade, "Royal Agricultural Society of New South Wales Cat Club (RASCC)" təşkilatına, burma pişiklərindən istifadə edərək mavi, qəhvəyi, şokolad rənglərini, "Abyssinian" pişiyinin tüklənmə genindən istifadə edərək "tabby" naxışlı kürk yaradılması üçün bir plan təqdim etmişdir. Cinsin ilk nəsli 1980-ci ilin may ayında "RASCC"nin eksperimental kateqoriyasına qəbul edilmiş, 1986-cı ilin aprelində isə "Spotted Mist" adı altında dördüncü nəsil qəbul edilmişdir. 1997-ci ilin iyununda isə "RASCC" və "Waratah State Cat Alliance" tərəfindən cinsin mərmərə bənzər növü qəbul edilmişdir. Yeni qəbul edilən bu növə görə, "Avstraliya Pişiyi Şurası" və "Avstraliya Pişiyi Cəmiyyətinin" qərarı ilə cinsin adı dəyişdirilmiş, yekdil qərarla "Avstraliya Dumanı" adı seçilmişdir. 1 Yanvar 1999-cu ildə cins, "Yeni Zellandiya Pişiyi Cəmiyyəti", 2004-cü ilin avqust ayında isə "Dünya Pişiyi Federasiyası" tərəfindən tanınmışdır. Lakin bu cins hələ də "Fédération Internationale Féline" tərəfindən tanınmamışdır. Avstraliyadan kənarda yeni bir cins hesab olunduğu üçün sayları çox azdır. Lakin, bəzi pişik yetişdirmə mərkəzlərində, Böyük Britaniya və ABŞ-da mövcuddur. Eyni zamanda, bəzi pişiklər Norveçə ixrac olunmuşdur. Xüsusiyyətləri Avstraliya dumanı orta ölçülü, qısa tükə sahib bir pişikdir. Başı yuvarlaq və orta ölçüdə, burnu genişdir və iri, yaşıl gözləri var. Göz rəngi "chartreuse"dən "aquamarine"ə qədər dəyişə bilər. Qulaqları orta böyüklükdədir və ucları yuvarlaqdır. Kürkü qısa və ya orta uzunluqda və çox hamardır. Türkləri ipək kimi hiss olunur. Avstraliya dumanının kürk naxışları əsas rəng, naxışın özü və "mist" görünüşündən ibarətdir. Ayaqları və quyruğu zolaqlı və ya halqalı olur, üzündə və boynunda rəngli xətləri olan naxışlar var. Avstraliya dumanı pişiyində iki əsas kürk növü mövcuddur: orijinal növ olan "spotted coat" (ləkəli kürk) və "marbled coat" (mərmər kürk). Ləkəli kürk simmetrik şəkildə yerləşmiş, fərqli ləkələrdən ibarət olur. Marmərli kürk isə, üzərində tünd və açıq rəngli dönüklər və zolaqlardan ibarət olur. Hər iki növün alın hissəsində "M" şəklində "tabby" işarəsi və qara uclu quyruq olur. Bu cinsin əsas rəngləri arasında mavi, qəhvəyi, karamel, şokolad, darçın (qızılı), şaftalı rəngləri mövcuddur.
https://en.wikipedia.org/wiki/Australian_Mist
https://a-z-animals.com/animals/australian-mist/
https://www.purina.co.uk/find-a-pet/cat-breeds/australian-mist
https://www.viovet.co.uk/breed_information/1-6/Australian-Mist
https://animalia.bio/pets/australian-mist
https://bowwowinsurance.com.au/cats/cat-breeds/australian-mist/
https://tica.org/breed/australian-mist/
https://www.petinsurance.com/healthzone/pet-breeds/cat-breeds/australian-mist/
https://cats.com/cat-breeds/australian-mist
Tarix : 23 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
