Avstraliya dağ ördəyi (Tadorna tadornoides) - Qazlara bənzər iri ördəklər qrupuna aid olan və "Anatidae" fəsiləsinə daxil olan bir quş növü. "Tadorna" cinsinin adı Kelt mənşəlidir və "alaca su quşu" mənasını verir. Bu növün gözəl kürən rəngli sinəsi və qara bədəni var. Onlar 1974-cü il "Milli Parklar və Vəhşi Təbiət Qanunu" ilə qorunur. Tarix Avstraliya dağ ördəyi 1828-ci ildə William Jardine və Prideaux John Selby tərəfindən təsvir edilmişdir. Təsvir Erkəklər əsasən tünd rəngdədir, kürən rəngli sinəyə malikdirlər. Onların ağ boynuı və tünd yaşıl başı var. Dişilər oxşardır, lakin göz ətrafında ağ ləkələr var və erkəklərdən kiçikdir. Həm erkək, həm də dişilərin qanadları kürən və qara rəngdədir, yaşıl əks qanad ləkəsi (speculum) var və uçuş zamanı qanadlarında ağ rəng görünür. Yumşaq tüklü balalar ağ rəngdədir, başlarında qəhvəyi tac və başdan quyruğa qədər qəhvəyi zolaqlar var. Cavan erkəklər yetkinlərdən daha solğun rəngdədir və ağ boyun tükləri yoxdur, cavan dişilərin isə başları xaricində daha çox ağ rəng var. Erkəklərin səsi qazın səsinə bənzər dərin bir "honk", dişilərin səsi isə yüksək tonlu və kəskin "zeek, zeek" səsidir. Avstraliya dağ ördəyinin uzunluğu 56–72 santimetr, qanadları arası məsafə 94-132 sm, çəkisi isə 1.3-1.6 kiloqram arasındadır. Yayılması və yaşayış yeri Avstraliya dağ ördəyi əsasən cənubi Avstraliya və Tasmaniyada çoxalır və hələ də kifayət qədər geniş yayılmışdır. Qışda bir çox quş çoxalma ərazilərindən daha şimala köçür. Digər qazördəyi növləri kimi, bu növün də ən sevimli tük dəyişdirmə yerləri var, məsələn, Yeni Cənubi Uelsdəki Görc gölü, burada böyük qruplar toplanır. Avstraliya dağ ördəyinin əsas yaşayış yeri açıq ərazilərdəki göllərdir. Davranış və ekologiya Avstraliya dağ ördəyləri 1000 və ya daha çox quşdan ibarət sürülərdə görülə bilər. Onlar insanlara qarşı çox ehtiyatlıdır və tez-tez insanların yaxınlığında narahat olur, lakin şəhər ərazilərində insanlara vərdiş ola bilirlər. Onlar quru ərazidə otlayarkən və suda üzərkən dik dururlar. Cavan quşlar tez-tez suya dalır, lakin yetkin quşlar yalnız tük dəyişdirmə dövründə, uçma qabiliyyətləri olmadıqda və ya yaralandıqda və ya qorxduqda suya dalır. Çoxalma Avstraliya dağ ördəyləri yuvalarını adətən ağac deşiklərində, yumşaq tüklərlə döşənmiş qaya deşiklərində və ya oxşar yerlərdə qurur. Səkkiz ilə on beş arasında yumurta qoyulur və 30-33 gün müddətində inkubasiya edilir. Yuvanı tərk edən yumşaq tüklü və uçma qabiliyyəti olmayan balalar tez-tez 20-40 baladan ibarət qruplarda toplaşır, nadir hallarda 100 balaya qədər ola bilər. Qidalanma Avstraliya dağ ördəyləri otlayaraq, suda üzərək və filtrasiya edərək qidalanır. Onlar kök yumruları və digər bitki materialları, məsələn, duzlu kollar və samfir, həmçinin müxtəlif həşəratlar, xərçənglər və molyusklarla qidalanır.
https://app.birda.org/species-guide/344/Australian_Shelduck
https://www.nzbirdsonline.org.nz/species/chestnut-breasted-shelduck
https://www.birdsinbackyards.net/species/Tadorna-tadornoides
https://ebird.org/species/ausshe1
https://australian.museum/learn/animals/birds/australian-shelduck/
https://www.inaturalist.org/taxa/7070-Tadorna-tadornoides
https://seaworld.org/animals/facts/birds/australian-shelduck/
https://animalia.bio/australian-shelduck
https://www.waterfowl.org.uk/wildfowl/true-ducks/australian-shelduck/
https://www.oiseaux-birds.com/card-australian-shelduck.html
https://www.getducks.com/species/australian-shelduck/
https://www.oiseaux.net/birds/australian.shelduck.html
https://birdsoftheworld.org/bow/species/ausshe1/cur/introduction
https://earthlife.net/australian-shelduck/
https://www.slim-bridge.co.uk/australian%20shelduck.html
https://naturerules1.fandom.com/wiki/Australian_Shelduck
https://collections.museumsvictoria.com.au/species/4209
https://grasslands.ecolinc.vic.edu.au/fieldguide/fauna/australian-shelduck#details
Tarix : 30 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
