Avrasiya asmaquşu (Remiz pendulinus) - "Remiz" cinsinə aid olan kiçik bir sərçəkimi. Qərbi Palearktikdə geniş yayılmışdır. Şimal ərazilərində köçəri, cənub ərazilərində isə qeyri-köçəridir. 1980-1990-cı illərdə Qərbi Avropada çoxalma sahəsi genişlənmiş və qış diapazonu Şimali Mərakeşə qədər uzanmışdır. Taksonomiya Avrasiya asmaquşu 1758-ci ildə İsveçli təbiətşünas Karl Linney tərəfindən "Systema Naturae" əsərində təsvir edilmişdir. Hazırda Remiz cinsinə daxildir. Cins adı olan "Remiz" polyak dilində asmaquşu deməkdir. Növün elmi adı olan "pendulinus" isə latınca "asma" və ya "asılmaq" mənasını verir və quşun asılı yuva qurmasına istinad edir. Yarrımnövlər -R. p. pendulinus: Avropadan Ural dağları, Qafqaz və qərbi Türkiyəyə qədər. -R. p. menzbieri: Cənub və şərqi Türkiyə, Suriya və şimal-qərbi İran. -R. p. caspius: Cənub-qərbi Rusiya və şimal-qərbi Qazaxıstan. -R. p. jaxarticus: Ural dağlarından qərbi Sibir və şimal Qazaxıstana qədər. Təsvir Avrasiya asmaquşu kiçik bir quşdur, uzunluğu 10-11,5 sm, incə dimdiyi və nisbətən uzun quyruğu var. Başı açıq boz rəngdədir və göz ətrafında qara "maskası" var. Beli qəhvəyi rəngdədir. Erkək və dişi fərdlər çox oxşar görünsə də, erkəyin maskası daha geniş və beli daha qırmızımtıldır. Çoxalma Yumurtalar aprelin sonundan iyulun əvvəlinə qədər qoyulur. Yuva söyüd (Salix), qarağac (Ulmus) və ya tozağacı (Betula) kimi ağacların incə budaqlarından asılı vəziyyətdə qurulur, tez-tez su üzərində yerləşir. Yuva böyük, asılı, kisəşəkilli quruluşdadır, təxminən 25 sm hündürlükdə və 17 sm diametrindədir. Bitki lifləri, ot, tük və yundan hazırlanır və bir tərəfində giriş borucuğu var. Hər iki cins yuvanın tikintisində iştirak edir və bu təxminən 20 gün çəkir. Yumurtalar gündəlik qoyulur. Yuva 6-8 ağ yumurta ehtiva edir, yumurtalar 16,2 mm × 10,7 mm ölçüdədir və 0,95 qram ağırlığındadır. İnkubasiya son yumurta qoyulduqdan sonra başlayır və 14 gün davam edir. Yumurtalar ya erkək, ya da daha çox dişi tərəfindən qorunur. Balalar eyni vaxtda çıxır. Balalara ya erkək, ya da dişi qulluq edir, lakin nadir hallarda hər ikisinin qulluq etdiyi görülür. Balalar təxminən 22 günlük olanda yuvadan uçur. Valideynlər bəzən ikinci bala böyütməyə cəhd edir, lakin bu nadir hallarda uğurlu olur. Qidalanma Avrasiya asmaquşu əsasən həşəratlar və hörümçəklərlə qidalanır, lakin söyüd kimi bitkilərin toxumlarını da yeyir. Ümumiyyətlə ağaclarda qidalanır, lakin qamışlıqlarda da yemək axtarır, burada həm həşəratları, həm də toxumları toplayır. Bir ayağı ilə qamışa yapışır, digəri ilə toxum başlıqlarını çıxarır. Status və qorunma Asmaquşunun çox geniş yayılma sahəsi var, təxminən 1-10 milyon kvadrat kilometr. Avropada təxminən 420,000-840,000 fərddən ibarət populyasiyaya malikdir. Populyasiyanın artdığına dair dəlillər var. Buna görə də, "Beynəlxalq Təbiətin Mühafizəsi İttifaqı" (IUCN) tərəfindən "ən az narahatlıq doğuran" kimi qiymətləndirilir.
https://animalia.bio/eurasian-penduline-tit#google_vignette
https://www.inaturalist.org/taxa/13676-Remiz-pendulinus
https://ebird.org/species/euptit1
https://www.bto.org/understanding-birds/birdfacts/penduline-tit
https://www.vogelwarte.ch/en/birds-of-switzerland/eurasian-penduline-tit/
https://app.birda.org/species-guide/23509/Eurasian_Penduline_Tit
https://fatbirder.com/ornithology/remizidae-penduline-tits/
https://mdahlem.net/dbirds/16/pendltit.php
Tarix : 31 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
