Argente dovşanı - Fransız nümayiş dovşanlarının ən qədim növlərindən biri. Taksonomiya Britaniya Dovşan Şurası (BRC) altı növü tanıyır: Argente Bleu, Argente Brun, Argente Crème, Argente de Champagne, Argente Noir və Argente St Hubert. Amerika Dovşan Yetişdiriciləri Assosiasiyası (ARBA) isə Champagne d'Argent, Crème d'Argent və Argente Brun növlərini tanıyır. Nadir bir növ olan Argente Clair isə hal-hazırda nə BRС, nə də ARBA tərəfindən tanınmır. Təsvir Doğulduqda Argente dovşanları tək rəngdə olur, yetkin rəngləri isə 6 həftədən 4 aya qədər müddətdə formalaşır. Argente dovşanları kiçik və zərif olub, yaxşı inkişaf etmiş arxa hissəyə və bir qədər qövs şəkilli arxaya malikdirlər. Onların cüssəli və ya incə olması arzuolunmaz xüsusiyyətlərdir. Geniş başlı və düz ön ayaqlı olan Argente dovşanları qısa və incə sümüklüdür. Yaxşı xasiyyətlərinə görə əla ev heyvanı hesab olunurlar. Argente Bleu Qısa, yumru və enli qulaqları var. Çəkisi təxminən 2,72 kq (6 funt) olur. Tükləri bədəninə yaxın, çox sıx, parlaq və ipək kimi hamardır. Alt rəngi bənövşəyi-mavidir. Nümayişlərdə rəngin bərabər olması və uzaqdan mavi effekt yaradan uzun tünd mavi tüklərlə qarışıq olması arzuolunur. Gözləri parlaq mavi, dırnaqları isə rənglidir. Argente Brun Argente Brun növü həm BRС ["Argente Brun (UK)"], həm də ARBA ["Argente Brun (US)"] tərəfindən tanınır. Onların fərqləri aşağıda qeyd olunub. Argente Brun (UK) təxminən 6 funt (2,7 kq) çəkiyə malikdir. BRС standartına görə, alt rəng mümkün qədər tünd qəhvəyi, bədən rəngi qəhvəyi-ağ olmalıdır. Tüklər "çox sıx, parlaq, ipək kimi hamar və bədənə yaxın olmalıdır. Argente Brun (US) isə maksimum 10,5 funt (4,8 kq) çəkiyə malik ola bilər. ARBA standartına görə, səth rəngi bütün bədəndə bərabər gümüşü və ya şokolad qəhvəyi olmalıdır. Argente Clair Argente Clair, Almaniyada "Light Groot Silver" adlanır, nadir bir növdür və hal-hazırda nə BRС, nə də ARBA tərəfindən tanınmır.
https://livestockconservancy.org/argente-brun-rabbit/
https://livestockconservancy.org/creme-d-argent-rabbit/
https://meatrabbits.org/why-the-champagne-dargent-meat-rabbit-breed-adding-a-new-breed-to-my-rabbitry/
https://www.cremedargent.com/about-the-breed
https://bunnybasicsblogs.home.blog/2019/06/09/the-argente-brun-rabbit/
http://www.home.netspeed.com.au/reguli/ArgenteRabbit.htm
https://en.wikipedia.org/wiki/Argent%C3%A9_rabbit#Argente_Bleu
Tarix : 18 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
