Arbuga — İsveçin Vestmanland qraflığında yerləşən şəhər və Arbuga bələdiyyəsinin inzibati mərkəzidir. Şəhərin 2020-ci ildə əhalisi 10.989 nəfər olmuşdur. Ümumi məlumat Arbuganın şəhər kimi mövcud olduğu 13-cü əsrdən məlumdur, lakin şəhərin yerləşdiyi ərazi təxminən eramızın 900-cü ilindən məskunlaşıb. Şəhərin adı ilkin olaraq Arbugæ formasında olub. Ad qədim isveç dilində çay mənasını verən "Ar" və "əyilmə" mənasını verən bughi sözlərindən ibarətdir və birlikdə "çayın əyilməsi" mənasını verir. Şəhər bir vaxtlar Vasa sülaləsinin kral ailəsinin iqamətgahı olub. Arbuga kilsə məclislərinin və milli qurultayların keçirildiyi yer olmuş, həmçinin ətrafındakı tarixi abidələrlə tanınmışdır. Mülklər Riksdağının ilk iclası 1435-ci ildə Arbugada keçirilib. Son orta əsrlər dövrünün ən məşhur isveç rəssamı Albertus Piktor 1465-ci ildə şəhərin vətəndaşı olub. Bu gün Arbuga mühüm nəqliyyat qovşağıdır. E18 və E20 avtomagistralları burada birləşir. Stokholm ilə Hallsberq arasındakı Malarbanan və Svealandbanan dəmir yolu xətləri də Arbugada birləşir. Şəhərin 2023-cü ildə əhalisi təxminən 14.057 nəfər olub. İdman Aşağıdakı idman klubları Arbugada fəaliyyət göstərir: Arboga Södra IF IFK Arboga IK Arboga Stad SK Bundan əlavə, Qadınlar arasında planerlə uçuş üzrə VI dünya çempionatı 15–25 iyun 2011-ci ildə Arbugada keçirilib. Qarışıq döyüş sənətləri üzrə idmançı Aleksandr Qustafsson, Arbugada anadan olub. İstinadlar

İstinadlar

https://az.wikipedia.org/wiki/Arbuga

https://geohack.toolforge.org/geohack.php?language=az&pagename=Arbuga&params=59_23_57.998_N_15_49_36.905_E_scale:100000_type:city

https://maps.google.com/maps?ll=59.39944389,15.82691806&q=59.39944389,15.82691806&spn=0.1,0.1&t=h&hl=az

https://yandex.ru/maps/?ll=15.82691806,59.39944389&pt=15.82691806,59.39944389&spn=0.1,0.1&l=sat,skl

https://www.openstreetmap.org/?mlat=59.39944389&mlon=15.82691806&zoom=12

https://runeberg.org/ortnamn/0008.html

https://www.scb.se/hitta-statistik/statistik-efter-amne/miljo/markanvandning/tatorter/pong/tabell-och-diagram/statistiska-tatorter-2020-befolkning-landareal-befolkningstathet-per-tatort/

Tarix : 30 sentyabr 2026