Ankraofobiya – Güclü küləkdən və ya hava axınından həddindən artıq dərəcədə qorxma ilə xarakterizə olunan spesifik fobiya növü. Mahiyyəti Bu fobiyadan əziyyət çəkən insanlar açıq havada küləyə məruz qalmaqdan, hətta qapalı məkanlarda ventilyator və ya kondisioner kimi hava axını yaradan cihazlardan qorxa bilərlər. Səbəblər Güclü fırtına, qasırğa, tornado və ya tufan kimi təbii fəlakətlərə məruz qalmaq, evin, əmlakın və ya sevdiklərinin zərər görməsi, uşaqlıqda küləklə bağlı qorxuducu bir hadisənin baş verməsi, küləklə bağlı yayılan miflər, xurafatlar və qorxuducu hekayələr əsas səbəblər sırsındadır. Psixoloji faktorlar - Obsesif-kompulsiv pozuntu (OKP) – çirkli və nəzarət edilə bilməyən hava axınından qorxma - Travma sonrası stress pozuntusu (TSSP) – külək və ya qasırğa ilə bağlı keçmiş travmaların təsiri - Ümumi anksiyete pozuntusu (GAD) – qeyri-müəyyən və idarəolunmaz şeylərdən qorxma Simptomlar - Ürək döyüntüsünün sürətlənməsi (təcili ürəkdöyünmə – taxikardiya) - Tərləmə və titrəmə - Nəfəs darlığı və ya boğulma hissi - Baş gicəllənməsi və ürəkbulanma - Sinədə ağrı və ya sıxılma hissi Bu fobiya bir insanın gündəlik həyatına ciddi təsir etdikdə diaqnoz qoyula bilər. Psixiatr və ya klinik psixoloq fərdin simptonlarını və fobiyanın səbəblərini araşdıraraq rəsmi diaqnoz qoya bilər. Müalicə 1. Koqnitiv davranış terapiyası (KDT): Bu metod psixoloqlar tərəfindən fobiyaların müalicəsində ən çox istifadə olunan üsuldur. Terapiya zamanı xəstə qorxularının məntiqsiz olduğunu dərk edir, küləklə bağlı mənfi düşüncələrini dəyişdirməyi öyrənir, qorxularına tədricən məruz qalaraq onları idarə etməyi bacarır. 2. Ekspozisiya terapiyası: Bu üsulda şəxs yavaş-yavaş küləyə qarşı məruz qalmağa alışdırılır. Məsələn: Əvvəlcə sadəcə külək səslərini dinləmək,daha sonra ventilyator və ya açıq pəncərə önündə oturmaq, son mərhələdə açıq havada küləyə məruz qalmaq alışdırılır. Ankraofobiya gündəlik həyatı çətinləşdirən bir qorxudur, lakin düzgün terapiya və müalicə ilə aradan qaldırmaq mümkündür. Əgər bu qorxu insanın həyatına ciddi təsir edirsə, psixoloq və ya psixiatrla məsləhətləşmək tövsiyə olunur.

İstinadlar

https://www.verywellmind.com/anemophobia-fear-of-air-2671730

https://drlogy.com/health/ancraophobia-fear-of-wind

https://pubmed.ncbi.nlm.nih.gov/20214099/

http://www.peterfieldhypnotherapy.co.uk/anemophobia-ancraophobia-fear-of-wind-fear-of-drafts.html

https://mindvoyage.in/how-to-deal-with-wind-anxiety/

Tarix : 7 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.