Alanno — İtaliyanın Abruzzo regionunda, Peskara əyalətində yerləşən bələdiyyə və şəhərdir. Alannonun ilk yaşayış məntəqəsinin Orta əsrlərdə Lombardların hakimiyyəti dövründə yarandığı ehtimal edilir. Daha sonra ərazi Ettore Fieramoscanın varislərinin mülkiyyətinə keçmişdir. Tarixi 1930-cu illərdə Alannoda insanlar Alanno ərazisində Tunc dövründən etibarən yaşayış olsa da, şəhərin Lanqobardlar tərəfindən təxminən IV və ya V əsrlərdə qala (castrum) kimi salındığı ehtimal edilir. Əsrlər boyu San Klemente a Kasauriya abbatlığının feodal mülkü olan Alanno XIV əsrdən etibarən bir sıra feodal ailələrinin hakimiyyəti altında olmuşdur. Bunlara Kamponeski, Karacciolo, D'Aquino və 1739-cu ildən etibarən Fieramoska ailələri daxil idi. 1443-cü ildə vergi ödəyən 114 ailə, 1532-ci ildə isə vergiyə cəlb olunan 190 ailə qeydə alınmışdır. San Biagio kilsəsi 1915-ci il Avezzano zəlzələsi nəticəsində yenidən tikilmişdir. Coğrafiyası Alanno Gran Sasso d'Italia massivinin cənub-şərq ətəklərində yerləşir. Alannonun qədim şəhər hissəsi Aterno-Peskara çayı və Çinyo adlı çayın əhatə etdiyi təpədə yerləşir. Qədim şəhər hissəsi yerli iqtisadi mərkəz olan Alanno Skaloya yaxın yerləşir. Burada yerli sənaye müəssisələri, Roma–Sulmona–Peskara dəmir yolu üzərində Alanno dəmir yolu stansiyası və A25 avtomagistralına çıxış mövcuddur. Aterno-Peskara çayı üzərində Alanno-Piano d'Orta su anbarının yaradılması nəticəsində heyvan və bitki növlərinin, o cümlədən bəzi su quşlarının və sarı süsənin qorunması üçün Alanno gölü vahəsi adlı təbiət qoruğu yaranmışdır. Görməli yerlər Santa Maria delle Grazie kilsəsinin interyeri Alannonun ən mühüm tarixi abidəsi təxminən 1485-ci ildə inşa edilmiş İntibah dövrünə aid Santa Maria delle Grazie kilsəsidir. Rəvayətə görə, Məryəm burada bir çobana görünərək ondan vadiyə baxan bu ərazidə kilsə tikdirməsini istəyib. Kilsə şəhərdən 3 km kənarda inşa edilmişdir. Onun zərif portalı 1505-ci ilə aiddir və üzərində Məsihin çarmıxdan endirilməsi freskası olan lunet yerləşir. Birnefli kilsənin apsidasında Andrea De Litionun emalatxanasına aid edilən 1522-ci il freskaları və Məryəm, mələklər və müqəddəslər adlı XV əsrə aid triptix yerləşir. İnteryerin digər hissələri Barokko üslubunda bəzədilmişdir. 1642-ci ildə tamamlanan mehrabın üzərində Məryəm müqəddəs Sebastyan və müqəddəs papa arasında adlı qiymətli XV əsr triptixi yerləşir. Digər görməli yerlər arasında üç qüllə, orta əsr divarlarının və qalanın qalıqları, XVI əsrə aid Müqəddəs Fransisk kilsəsi və çoxsaylı quş növləri və zəngin çaykənarı bitki örtüyü ilə seçilən Alanno Vəhşi Təbiət Vahəsi vardır. İstinadlar

İstinadlar

https://az.wikipedia.org/wiki/Alonno

https://geohack.toolforge.org/geohack.php?language=az&pagename=Alonno&params=42_18_0_N_13_58_0_E_scale:100000_type:city

https://maps.google.com/maps?ll=42.30000,13.96667&q=42.30000,13.96667&spn=0.1,0.1&t=h&hl=az

https://yandex.ru/maps/?ll=13.96667,42.30000&pt=13.96667,42.30000&spn=0.1,0.1&l=sat,skl

https://www.openstreetmap.org/?mlat=42.30000&mlon=13.96667&zoom=12

https://www.sapere.it/enciclopedia/Alanno.html

http://www7.tau.ac.il/omeka/italjuda/items/show/581

Tarix : 8 oktyabr 2026