Aleksandr Nevski kafedralı (rus. Собор Святого Александра Невского) - Rus Pravoslav Kilsəsinə aid olan və Rusiyanın Nijni Novqorod şəhərinin Kanavinski rayonunda yerləşən kafedral. Kafedral, keçmiş Nijni Novqorod Yarmarkası ərazisində yerləşir. Kremlinin Dmitrovskaya qülləsi, Çkalov pilləkəni və yarmaka ilə birlikdə Nijni Novqorodun qeyri-rəsmi simvollarından biridir. Kafedralın əsas tikintisi 18 avqust 1868-ci ildə başlamış və 13 il davam etmişdir. Daxili işlər isə 1881-ci ilə qədər davam etmişdir. 20 iyul 1881-ci ildə kafedral, İmperator III Aleksandr, onun həyat yoldaşı Mariya Fedorovna və şahzadə Nikolayın iştirakı ilə təntənəli şəkildə təqdis edilmişdir. Kafedralın hündürlüyü 87 metrdir (3425,2 düym). Tarix Rusiya imperiyası 1856-cı ildə tacirlər, İmperator II Aleksandrın yarmakaya səfərini xatırlamaq üçün yeni bir pravoslav kafedralı tikmək qərarına gəldilər. Onlar yeni kafedralın tikintisi üçün yepiskop Antoni və qubernator A. Muravyova müraciət etdilər. İanə toplamaq kampaniyası başladıldı. Tələb olunan məbləğ (454,667 rubl 28 qəpik) 10 il ərzində (1866-cı ilə qədər) toplandı. 18 noyabr 1865-ci ildə kafedralın layihəsi hökumət tərəfindən təsdiqləndi. 1866-cı ildə Lev Dahl xaricdən Nijni Novqoroda qayıtdı və layihəni yekunlaşdırdı. Kafedralın əsas tikintisi 18 avqust 1868-ci ildə başladı və 13 il davam etdi. Daxili işlər isə 1881-ci ilə qədər davam etdi. Kafedral, qazıq təməli olmadan inşa edilmişdir. Sovet dövrü 1929-cu ildə kafedral bağlandı və dəyərli əşyalar müsadirə edildi. 1930-cu ilin qışında Volga Flotilyasının rəhbərliyinin qərarı ilə kafedralın ikonostasları və bütün taxta bəzək elementləri şəhərdəki evləri istiləşdirmək üçün odun kimi istifadə edildi. Lakin, camaat bir neçə ikonanı qoruyub saxladı. 1920-ci illərin sonlarında yarmaka ərazisinin yenidən qurulması üçün bir layihə hazırlandı. Kafedralın sökülməsi və onun yerində Leninə həsr olunmuş bir mayak və abidə tikilməsi planlaşdırılırdı. Bu layihə həyata keçirilmədi, lakin 1930-cu illərin sonunda kafedralın damındakı çadırlar söküldü. Daha sonra kafedral binası anbar və yaşayış məkanı kimi istifadə edildi. Kafedrala çoxsaylı köməkçi otaqlar və müxtəlif ofislər əlavə edildi. 1940-cı illərdə baş verən yanğın binanın daxili hissəsini məhv etdi. Bundan sonra daxili suvağın qalıqları tamamilə təmizləndi.

İstinadlar

https://www.advantour.com/russia/nizhny-novgorod/alexander-nevsky-cathedral.htm

https://nn-grad.ru/eng/what-to-visit/Cathedral_of_the_Holy_Prince_Alexander_Nevsky/

https://www.nizhnynovgorod.com/photo_gallery/?pid=1

https://www.uvisitrussia.com/alexander-nevsky-cathedral-nizhny-novgorod/

https://commons.wikimedia.org/wiki/File:Alexander_Nevsky_Cathedral_in_Nizhny_Novgorod_02.jpg

https://dbpedia.org/page/Alexander_Nevsky_Cathedral,_Nizhny_Novgorod

https://en.wikipedia.org/wiki/Alexander_Nevsky_Cathedral,_Nizhny_Novgorod#Bell_%22Cathedral%22

Tarix : 16 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.