Afrika yaşıl arıquşu (Merops viridissimus) - "Meropidae" ailəsinə aid bir quş növü. Taksonomiya İlk əvvəl fərqli növlər kimi təsvir olunsa da, Afrika və Ərəb (M. cyanophrys) yaşıl arıquşları, 1990-cı ildə Charles Sibley və Burt Monroe tərəfindən Asiya yaşıl arıquşu (M. orientalis) ilə birlikdə yaşıl arıquşları olaraq qruplaşdırıldı. Lakin, 2014-cü ildə "IUCN" "Qırmızı Siyahısı" və "BirdLife International" onları yenidən ayrı növlər kimi ayırdı. 2020-ci ildə aparılan bir tədqiqat, üç növ arasında morfologiya və səs fərqlərini aşkar etdi, buna görə də 2021-ci ildə "Beynəlxalq Ornitoloqlar İttifaqı" onları bir-birindən ayırdı. Alt növlər -M. v. viridissimus: Afrika əksər hissələri, Seneqaldan başlayaraq Efiopiyaya qədər -M. v. flavoviridis: Çad, Şərqi Sudan -M. v. cleopatra: Şimali Sudan və Misir, Nil vadisi 2004-cü ildə aparılan bir filogenetik analiz, "M. viridissimus"-u "M. orientalis" ilə yaxın əlaqəli olduğunu göstərmişdir, həmçinin, bu kladın "M. cyanophrys" ilə yaxın əlaqədə olduğunu aşkar etmişdir. Lakin, "IOC" onu "M. cyanophrys" ilə yaxın əlaqəli hesab edir. Təsvir Bu növün ən fərqli xüsusiyyəti, onun sarımtıl-yaşıl boğazıdır, bu isə "M. orientalis" və "M. cyanophrys" növlərinin mavi boğazları ilə müqayisədə aydın fərq yaradır. Həmçinin, səsi də fərqlidir. Yayılma O, Afrikanın yarı-quru bölgələrində, yayılma sahəsi təxminən Səhel zonasını əhatə edir. Seneqaldan başlayaraq, Efiopiyaya qədər yayılır. Bu növ, bu ərazidə kənd təsərrüfatı və suvarma sahəsindəki dəyişikliklərdən faydalanmışdır, buna görə də sayı artmış və Nil boyunca yayılma sahəsini genişləndirmişdir. 2001-ci ildən əvvəl Misirə daxil olmuş və hazırda Nil Deltasına qədər yayılmışdır. Artan populyasiya və insan həyat sahələrindən faydalanaraq, təhlükə altında olmadığı düşünülür.

İstinadlar

https://ebird.org/species/grnbee1

https://en.wikipedia.org/wiki/African_green_bee-eater

https://birdsoftheworld.org/bow/species/grnbee1/cur/introduction

https://www.inaturalist.org/taxa/1430300-Merops-viridissimus

https://app.birda.org/species-guide/10794/African_Green_Bee-eater

https://datazone.birdlife.org/species/factsheet/african-green-bee-eater-merops-viridissimus

https://magornitho.org/2024/06/african-green-bee-eater-algeria/

https://www.birdingplaces.eu/en/birds/5297

https://www.oiseaux.net/birds/african.green.bee-eater.html

Tarix : 8 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.