Yamayka pivi ("Contopus pallidus") - "Tyrannidae" fəsiləsinə aid olan və Yamaykaya endemik bir quş növü. Təsnifat "Contopus pallidus" ilk dəfə 1847-ci ildə Filip Henri Qoss tərəfindən təsvir edilmişdir. Bu növ "Tyrannidae" fəsiləsinə aiddir. Bu növ əvvəllər Kuba pivi və Hispaniola pivi ilə eyni növ kimi qəbul edilirdi, yəni bu üç quş bir zamanlar eyni növ kimi təsnif edilirdi. Yamayka pivi monotipikdir. Təsvir Yamayka pivi dimdiyindən quyruğuna qədər 15 sm uzunluğunda və 9-9,5 qram çəkisindədir. Nisbətən qısa qanadları və uzun quyruğu var, yumru bədənli və böyük başlıdır. Dimdiyi nisbətən böyükdür və alt hissəsi narıncı rəngdədir. Yamayka pivi üst hissələrdə tünd zeytun rəngindədir, qanadları və quyruğu daha tünd, qarın hissəsi isə daha açıq rəngdədir. Erkək və dişi fərdlər oxşar görünüşə malikdir, lakin cavan fərdlərin üst hissələri boz, qarın hissəsi və dimdiyi isə yetkinlərdən daha solğundur. Yamayka pivi üçün orta ömür müddəti 3,5 ildir. Yayılması və yaşayış yeri Yamayka pivi yalnız Yamaykada tapılır. Ölkənin orta yüksəkliklərində meşə kənarlarında tapıla bilər və nadir hallarda yüksək yüksəkliklərdə rast gəlinir. Yamayka pivi üçün minimum uçuş yüksəkliyi məlum deyil, lakin 2000 metr yüksəkliyə qədər uçduğu müşahidə edilmişdir. Çoxalma mövsümündən kənar daha aşağı yüksəkliklərə enir. Davranış Yamayka pivi ovunu axtararkən aşkar budaqlarda dik oturur. Ovunu tutmaq üçün havaya tullanır və eyni və ya yeni budağa qayıdır, enərkən quyruğunu silkələyir. Yamayka pivi çağırışı "vi-vi" səsinə bənzəyir, ikinci "vi" birincidən daha yüksək səslidir. Digər çağırışı "uh-vii-uu" səsidir, orta hissəsi "vii-ah" kimi fit səsinə bənzəyir. Qidalanma Yamayka pivi entomofaqdır, yəni qidası yalnız həşəratlardan ibarətdir. Ən çox və ya ən az hansı həşərat növlərini yediyi haqqında elmi məlumat yoxdur. Çoxalma Yamayka pivi apreldən iyuna qədər çoxalır və bir mövsümdə iki dəfə çoxala bilər. Yuvalar adətən incə bitki liflərindən hazırlanır və ağac çəngəlində yerləşir. Qorunma statusu Yamayka pivi "Narahatçılıq doğurmayan" (Least Concern) kateqoriyasına daxil edilmişdir. Yamayka pivi populyasiyası azalmaqdadır. Quşun populyasiyasının azalmasının səbəbi Yamaykada davam edən yaşayış mühitinin məhv edilməsidir. Populyasiyanın azalma dərəcəsi məlum deyil.
https://ebird.org/species/jampew1
https://birdsoftheworld.org/bow/species/jampew1/cur/introduction
https://en.wikipedia.org/wiki/Jamaican_pewee
https://datazone.birdlife.org/species/factsheet/jamaican-pewee-contopus-pallidus
https://xeno-canto.org/species/contopus-pallidus
https://www.inaturalist.org/taxa/16101-Contopus-pallidus
https://www.oiseaux-birds.com/card-jamaican-pewee.html
https://animalia.bio/jamaican-pewee
Tarix : 3 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
