Yala Milli Parkı - Hind okeanı ilə həmsərhəd olan Şri Lankanın ən çox ziyarət edilən və ikinci ən böyük Milli parkı. Park beş blokdan ibarətdir, onlardan üçü ictimaiyyət üçün açıqdır. Ərazisi Park 979 kvadrat kilometr ərazini əhatə edir. Yala Şri-Lankada ilk iki təyin edilmiş Milli Parkdan biridir. Ən çox vəhşi təbiəti ilə tanınan parkın yaxınlığında 6 Milli Park və 3 vəhşi təbiət qoruğu var. Nəmli musson meşələrindən, şirin su və dəniz bataqlıq ərazilərinə qədər müxtəlif ekosistemlərə ev sahibliyi edir. Yala Şri-Lankanın 6 endemik növü daxil olmaqla, 215 quş növünə sahibdir. Parkda 44 məməli qeydə alınıb. 2004-cü ildə Hind okeanında baş vermiş sunami Yala Milli Parkına ciddi ziyan vurmuş və onun ətrafında 250 nəfər həlak olmuşdur. 2009-cu ildən parkda təhlükəsizlik vəziyyəti yaxşılaşdıqdan sonra ziyarətçilərin sayı artmaqdadır. Tarix 1560-cı ildə ispan kartoqrafı Cipriano Sanchez öz xəritəsində Yalanın "əlverişsiz şərtlərə görə 300 il tərk edildiyini" qeyd etdi. Baş hakim Ser Alexander Johnston 1806-cı ildə Trincomaleedən Hambantota səyahət etdikdən sonra Yala haqqında ətraflı məlumat yazdı. 23 mart 1900-cü ildə hökumət “Meşə Sərəncamı”na əsasən Yala və Vilpattu qoruqlarını elan etdi. Əvvəlcə qoruğun sahəsi Menik və Kumbukkan çayları arasında 389 kvadrat kilometr (150 kvadrat mil) idi. O zaman qoruq Yala adını daşımırdı. Turizm Yala Milli Parkı Şri Lankada ən çox ziyarət edilən parkdır. 2002-ci ildə parkı 156.867 turist ziyarət edib. Əcnəbilər, xüsusilə avropalılar ümumi ziyarətçilərin 30%-ni təşkil edir. I blok ziyarət üçün əsas sahədir.
https://www.yalasrilanka.lk/
https://en.wikipedia.org/wiki/Yala_National_Park
https://www.ugaescapes.com/destinations/yala.html
https://wikitravel.org/en/Yala_National_Park
Tarix : 27 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
