Taiye Selasi (1979) — Britaniyalı-qanalı yazıçı və esseist. O, "Afropoliten" termini ilə tanınır və əsərlərində müasir Afrika diasporu, qloballaşma və şəxsiyyət axtarışı kimi mövzulara toxunur. Erkən həyat və təhsil Taiye Selasi 1979-cu ildə Londonda, qanalı ana və nigeriyalı ata ailəsində doğulmuşdur. O, ABŞ-da böyümüş və təhsil almışdır. "Yale Universiteti"ndə "Amerikaşünaslıq" üzrə bakalavr, daha sonra "Oksford Universiteti"ndə beynəlxalq münasibətlər üzrə magistr dərəcəsi almışdır. Ədəbi karyera Selasi ədəbiyyata esselər və qısa hekayələrlə başlamışdır. O, 2005-ci ildə yazdığı "Bye-Bye, Babar" (Or: What is an Afropolitan?) essesi ilə "Afropoliten" anlayışını formalaşdıraraq, müasir Afrika diasporunun kimliyi haqqında geniş müzakirələrə səbəb olmuşdur. Əsas əsəri -"Qana mütləq getməlidir" (Ghana Must Go, 2013) – Afrika kökləri olan bir ailənin faciələri və köç hekayəsini təsvir edən roman. Mirası və təsiri Taiye Selasi müasir Afrika ədəbiyyatında yeni baxış bucağı gətirən yazıçılardan biridir. O, Afrikalıların qlobal dünyada özlərini necə gördükləri və qloballaşmanın şəxsiyyət üzərindəki təsiri mövzularını dərindən araşdırır. Əsərləri tənqidçilər tərəfindən yüksək qiymətləndirilmiş və o, çağdaş Afrika diaspor ədəbiyyatının ən nüfuzlu səs sahiblərindən biri hesab olunur.
https://en.wikipedia.org/wiki/Taiye_Selasi
https://berlin.bard.edu/people/profiles/taiye-selasi
https://literaturfestival.com/en/authors/taiye-selasi/
https://fundaciongabo.org/en/gabo-fellowship/taiye-selasi-ghanaunited-states
https://brittlepaper.com/2020/09/revisiting-afropolitanism-an-interview-with-taiye-selasi/
https://www.npr.org/2018/06/15/619935370/taiye-selasi-how-do-the-places-we-call-home-inform-our-identities
https://www.cccb.org/en/participants/file/taiye-selasi/47345
Tarix : 6 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
