Taclı qarabatdaq ("Microcarbo coronatus") - Cənubi Afrikanın soyuq Benqela cərəyanının suları üçün endemik olan kiçik bir qarabatdaq növü. Bu növ yalnız sahil zonasında yaşayır və qurudan 10 km-dən çox uzaqda tapılmır. Bu növ qamış qarabatdağı ilə yaxından əlaqəlidir və əvvəllər eyni növ hesab edilirdi. Yayılması Cənubi Afrikanın sahil boyu, "Cape Agulhas"dan şimalda "Swakopmund"a qədər yayılmışdır. Populyasiya 2500-2900 cüt arasında olduğu təxmin edilir. Kiçik qruplarla çoxalır, adətən koloniyada 150-dən az fərd olur. Halqa ilə işarələmə tədqiqatları göstərir ki, cavan quşlar yuvalarından 277 km məsafəyə qədər yayıla bilər, yetkin fərdlər isə 500 km-dən çox məsafədə olan çoxalma sahələri arasında hərəkət edir. Təsvir Taclı qarabatdaq 50-55 sm uzunluğundadır. Yetkin fərdlər qara rəngdədir, başında kiçik bir kəkil və qırmızı üz ləkəsi var. Cavan quşlar üstdən tünd qəhvəyi, altdan açıq qəhvəyi rəngdədir və kəkil yoxdur. Onları cavan qamış qarabatdaqlarından daha tünd alt hissələri və daha qısa quyruğu ilə fərqləndirmək olar. Davranış Taclı qarabatdaqlar yavaş hərəkət edən balıqlar və onurğasızlar ilə qidalanır, bunları sahil sularının dayaz hissələrində və kəlp yataqlarında axtarır. Yuva budaq, sümük və digər materiallardan hazırlanır və lələklərlə örtülür. Yuva adətən qayalar, ağaclar və ya insan tərəfindən hazırlanmış strukturlar kimi yüksək yerlərdə qurulur, lakin bəzən yerdə də qura bilər. Qorunma statusu Bu növ üçün təhlükələrə kəlp qağayıları və ağ pelikanlar tərəfindən yumurta və balaların ovlanması, insan təzyiqi, neft çirklənməsi və kommersiya balıqçılıq fəaliyyətləri, o cümlədən dəniz tullantıları və plastik balıqçılıq avadanlıqlarına dolanma daxildir. - "Sasol Birds of Southern Africa" və "The Eskom Red Data Book of Birds of South Africa, Lesotho and Swaziland" məlumatlarına görə, bu növ kiçik yayılma sahəsinə görə - "Yaxın Təhlükə Altında" hesab edilir. Lakin "Beynəlxalq Təbiəti Mühafizə İttifaqı" (IUCN) onu "Narahatçılıq Doğurmayan" kimi qiymətləndirir.

İstinadlar

https://en.wikipedia.org/wiki/Crowned_cormorant

https://ebird.org/species/crocor1

https://datazone.birdlife.org/species/factsheet/crowned-cormorant-microcarbo-coronatus

https://birdsoftheworld.org/bow/species/crocor1/cur/introduction

https://xeno-canto.org/species/microcarbo-coronatus

https://www.inaturalist.org/taxa/508247-Microcarbo-coronatus

https://www.oiseaux.net/birds/crowned.cormorant.html

https://dibird.com/species/crowned-cormorant/

Tarix : 24 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.