Ruen - Əsasən ət, nümayiş və ya ümumi məqsədlər üçün yetişdirilən ağır çəkili ev ördəyi növü. Ruen ördəkləri çoxlu yumurta qoymadıqları üçün əsasən ət məqsədi ilə yetişdirilir. Bu cins 19-cu əsrdən əvvəl Fransada yaranmışdır. Təsvir Ruen ördəyi və erkəyi, təqribən yaşılbaş ördəyinə bənzəyir. Ruenin rəng naxışı boz olaraq təsvir olunur. Erkəklərin tünd sarı dimdiyi, yaşıl başı, ağ boyun xətti, qara quyruq örtükləri və tünd, kül rəngli quyruq lələkləri, tünd boz üst bel və açıq boz alt bədəni, tünd qırmızı döşü və parlaq narıncı ayaqları var. Dişi Ruen ördəkləri isə mahon qəhvəyi rəngdə olur, qəhvəyi tacı və gözlərinin arxasına qədər uzanan qəhvəyi göz zolaqları, qəhvəyi dimdiyi var. Dişilərdə baş, boyun, bədən, qanad və quyruq lələklərində aydın detallı xəttlər mövcuddur. Ruen dişiləri yaşılbaş dişilərindən daha tünd qəhvəyi ola bilər. Hər iki cinsin də mavi spekulum lələkləri var, lakin Ruenin spekulum lələkləri daha parlaq və iridir. Ruen ördək balaları tüy rənginə görə yaşılbaş ördək balalarına çox bənzəyir. Ruen balalarını yaşılbaş balalarından fərqləndirmək üçün onların gözləri altında ikinci bir zolaq var, yaşılbaş balalarında isə yalnız bir zolaq var. Davranış Bu quşlar sakit və hərəkətsiz təbiətə malikdir. Böyük bədənləri Ruen ördəyinin yuva qurmasını çətinləşdirir. Nümayiş tipli Ruen ördəkləri böyük ölçüləri səbəbilə yumurtalarını qıra bilər. Onlar digər ev ördəyi növlərindən daha yavaş yetişir. Onlar tez-tez Pekin və ya Aylesbury növləri ilə yumurta istehsalı və ölçüsünə görə müqayisə olunur. Ruen bəzən bu növlərdən üstün hesab olunur, çünki asanlıqla yağlandıqları üçün əla ət quşudur və incə ətləri var. Tarix Bu cins ilk dəfə Fransada yetişdirilsə də, 19-cu əsrdə İngiltərəyə gəldikdən sonra bu gün tanınan Ruen növünə çevrildi. Fransız versiyası orta ölçüdən böyük yaşılbaşa bənzəyirdi, lakin selektiv çoxaltma yolu ilə ingilislər nümayiş tipli Rueni inkişaf etdirdilər. Nəticə dərin, uzun gövdəsi, qayıq forması, nəhəng görünüşü və xüsusilə dişilərdə detallı xəttləri olan bir quş idi. Əsasən qızardılmış quş kimi istifadə olunurdu; ilə 35-125 yumurta istehsal etsə də, daha yüksək məhsuldarlığa malik digər növlər var idi. Yumurtalar adətən ağ olur, lakin mavi-yaşıl rəngdə də ola bilər və qabıqları daha qalın olur. Fransızlar bu ev ördəyini "Mükəmməl Faydalı Ördək" ideyasını təmsil edən kimi qiymətləndirirdilər. Etimologiya Adın mənşəyi mübahisəlidir. İngiltərəyə gəldikdə onlara müxtəlif adlar verilirdi: Rhône , Rohan, Roan və Rouen . Nəticədə həm İngiltərədə, həm də Fransada Rouen adı qəbul edildi. Fransada onlara Rouen Foncé deyilir, Rouen Clair isə daha açıq rəngdə olanlara aiddir.
https://livestockconservancy.org/rouen-duck/
https://www.waterfowl.org.uk/domestic-waterfowl/heavy-ducks/rouen/
https://www.mcmurrayhatchery.com/rouen.html
https://breeds.okstate.edu/poultry/ducks/rouen-ducks.html
https://www.metzerfarms.com/rouen-ducks.html
https://www.zoo.amarillo.gov/rouen-duck
https://www.zoo.amarillo.gov/rouen-duck
https://en.wikipedia.org/wiki/Rouen_duck
Tarix : 21 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
