Rhizostoma pulmo - Ümumiyyətlə barrel jellyfish, dustbin-lid jellyfish və ya frilly-mouthed jellyfish kimi tanınır, Rhizostomatidae fəsiləsinə aid skifomeduzadır. Bu növ şimal-şərq Atlantik, Adriatik, Aralıq dənizi, Qara dəniz və Azov dənizində tapılır. Həmçinin Cənubi Afrika sahillərində və False Bay ərazisində də müşahidə edilmişdir. Onlar adətən yayın sonunda və payızın əvvəlində, artan temperatur və külək kimi ətraf mühit amillərinin təsiri ilə yaranan "bloom" adlanan populyasiya artımı zamanı daha çox görülür. Bu növ İrland dənizində çox yayılmışdır. Adətən diametri 40 sm qədər olsa da, istisna hallarda 150 sm və ya daha böyük ölçülərə çata bilər, bu da onu Britaniya və İrlandiya sularında ən böyük meduza edir . 13 iyul 2019-cu ildə Böyük Britaniyanın Kornuall sahillərində dalğıc olan bioloq Lizzie Daly və sualtı operator Dan Abbott insan ölçüsündə bir barrel meduzası ilə qarşılaşdılar. Bu növ adətən bir metr uzunluğa və 25 kiloqram çəkiyə qədər böyüyə bilər. Lakin onlar şir yeleli meduzadan daha böyük deyillər. Rhizostoma pulmo orta dərəcədə zəhərlidir, lakin digər növlər qədər ölümcül deyil. Təsirləri arasında dəridə yanma hissi, dermatit və xoralar var ki, bu da onun insanlar üçün zəhərli olduğunu təsdiq edir. Lakin bu, insanlar üçün ciddi təhlükə yaratmır. Bu növ, dəribəzəklik tısbağalarının ən sevimli qidasıdır. Əlavə məlumat Rhizostoma pulmo Cənubi İngiltərənin Bornmut sahilində quruya vurulmuş halda tapılmışdır. Barrel meduzasının ağız açılışı unikal quruluşa malikdir. Asiya mədəniyyətində yeri Asiyada bu meduzalar ənənəvi qida və tibbdə istifadə olunan bioaktiv birləşmələrin mənbəyi kimi tanınır. Bir araşdırmaya görə, meduzanın ekstraktından yüksək molekulyar çəkili zülalların ayrılması və su məhlullarında yuyulması, zəhərli birləşmələri təmizləmək və potensial bioaktiv maddələri konsentrə etmək üçün bir üsul ola bilər. Bu bioaktiv maddələr nutrasotik və kosmetik məhsullar üçün istifadə edilə bilər.
https://www.sealifebase.se/summary/Rhizostoma-pulmo.html
https://pmc.ncbi.nlm.nih.gov/articles/PMC7551628/
https://www.inaturalist.org/taxa/319371-Rhizostoma-pulmo
https://www.mindat.org/taxon-5185453.html
https://www.gbif.org/species/5185453
https://www.mybis.gov.my/sp/57401
https://www.sealifebase.se/country/CountrySpeciesSummary.php?c_code=792&Genus=Rhizostoma&Species=pulmo&lang=russian
Tarix : 26 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
