Qranit tikanlı kərtənkələsi (Sceloporus orcutti) - Phrynosomatidae fəsiləsinə aid olan bir kərtənkələ növü. Etimologiya Növün xüsusi adı olan orcutti, amerikalı təbiətşünas Çarlz Rassell Orkuttun (1864–1929) şərəfinə verilmişdir. O, növün tip nümunəsini Kaliforniyanın San Diego qraflığında toplamışdır. Coğrafi yayılma S. orcutti ABŞ-nin cənubi Kaliforniya ştatı və Meksikanın Baja Kaliforniya bölgəsində yayılmışdır. Təsvir Qranit tikanlı kərtənkələsinin burun-dəlik uzunluğu (SVL) 7,6–10,8 sm (3,0–4,3 düym) arasında dəyişir. Quyruq daxil olmaqla maksimum ümumi uzunluğu 28,9 sm (11,4 düym) çata bilər. Bel pulcuqları güclü şəkildə dişlidir və bədəni və quyruğu üzərində iti uclara malikdir. Geniş bənövşəyi rəngli bir bel zolağı var. Erkəklərin bədənində sarı-yaşıl və mavi mərkəzli pulcuqlar var; cavan fərdlər və dişilər isə bədənlərində və quyruqlarında aydın sarı-qəhvəyi enli zolaqlara malikdir. Bundan əlavə, erkəklərin sinə və boğaz hissələrində tünd mavi ləkələr və femoral deşiklər var. Davranış və yaşayış yeri Qranit tikanlı kərtənkələsi rəngarəng bir növdür və uzaq məsafədən baxdıqda qayaların üzərində oturarkən müşahidə edilə bilər. Bu növ əsasən qayalıq yamaclar və çıxıntılarla əlaqələndirilir. Çoxalma S. orcutti yumurta qoyan (ovipar) bir növdür.

İstinadlar

https://www.wrc-rca.org/species-spotlight-is-the-granite-spiny-lizard-your-new-bestie/

https://www.californiaherps.com/lizards/pages/s.orcutti.html

https://www.inaturalist.org/taxa/36198-Sceloporus-orcutti

https://www.irconservancy.org/wildlife-spotlight-granite-spiny-lizard-html/

https://animalia.bio/granite-spiny-lizard

http://www.wildherps.com/species/S.orcutti.html

https://en.wikipedia.org/wiki/Granite_spiny_lizard

Tarix : 22 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.