Marşrut üzrə maksimum ötürmə vahidinin aşkarlanması (Path MTU Discovery - PMTUD) şəbəkələrdə verilənlər paketlərinin ötürülməsi zamanı optimal Maksimum ötürmə vahidini (MTU - Maximum Transmission Unit) müəyyənləşdirmək üçün istifadə olunan bir metod. Bu proses, verilənlərin zərər görmədən ötürülməsini təmin edir və böyük paketlərin fraqmentasiyasını azaldır, bu da şəbəkə performansını artırır. Maksimum ötürmə vahidi nədir? Maksimum ötürmə vahidi, şəbəkə interfeysinin bir dəfə göndərə biləcəyi ən böyük paket ölçüsüdür. Maksimum ötürmə vahidinin dəyəri fərqli şəbəkələrdə fərqli ola bilər. Marşrut üzrə maksimum ötürmə vahidinin aşkarlanması, marşrut boyunca ən kiçik Maksimum ötürmə vahidinə (MTU-ya) uyğun olaraq paket ölçüsünü təyin edir. Necə işləyir? Marşrut üzrə maksimum ötürmə vahidinin aşkarlanması, paketləri “Don’t Fragment” (DF) bayrağı ilə göndərir. Don’t Fragment ifadəsi şəbəkə protokollarında, xüsusən IPv4-də, bir paketin fraqmentləşdirilməsinə icazə verilmədiyini göstərən bir bayraqdır. Paket marşrutda daha kiçik maksimum ötürmə vahidi olan bir cihazla qarşılaşdıqda, bu cihaz paketi fraqmentləşdirə bilmir və göndərəndən daha kiçik bir maksimum ötürmə vahidi ilə yenidən ötürməsini tələb edir. Beləliklə, ötürülən paketlərin ölçüsü tədricən tənzimlənir. Tətbiqlər və əhəmiyyəti - Təhlükəsizlik: Fraqmentasiyanın qarşısını almaqla potensial təhlükəsizlik riskləri azaldılır. - Effektivlik: Şəbəkədəki gecikmələr və paket itkisi minimuma endirilir. - Uyğunluq: Marşrut üzrə maksimum ötürmə vahidinin aşkarlanması həm IPv4, həm də IPv6 şəbəkələrində istifadə olunur. Çətinliklər və məhdudiyyətlər "Firewall"lar: Bəzi firewall-lar ICMP mesajlarını bloklayır, bu da marşrut üzrə maksimum ötürmə vahidinin aşkarlanması prosesini pozur. Alternativ üsullar: IPv6 şəbəkələrində "Packetization Layer Path MTU Discovery" (PLPMTUD) daha effektiv və təhlükəsiz üsul kimi təklif edilir.
https://search.cisco.com/search?query=path%20mtu%20discovery%20(pmtud)&locale=enUS&bizcontext=&cat=CDCSearch&mode=text&clktyp=click&autosuggest=true&istadisplayed=false&tareqid=&categoryvalue=
https://en.wikipedia.org/wiki/Path_MTU_Discovery#Problems
https://en.wikipedia.org/wiki/Path_MTU_Discovery#Problems
https://www.cisco.com/c/en/us/support/docs/ip/transmission-control-protocol-tcp/200932-Ethernet-MTU-and-TCP-MSS-Adjustment-Conc.html
https://blog.cloudflare.com/increasing-ipv6-mtu/
https://www.ibm.com/support/pages/apar/PK60430?mhsrc=ibmsearch_a&mhq=MTU
https://www.networkcomputing.com/sd-wan/overcoming-networking-challenges-in-the-transition-to-sd-wan
https://learn.microsoft.com/en-us/openspecs/windows_protocols/ms-rdpeudp/ffbc66ef-e79f-49f7-b208-76d4a68339e8
Tarix : 9 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
