Sir Peter Markham Scott (14 sentyabr 1909 – 29 avqust 1989) — Britaniyalı ornitoloq, təbiət mühafizəçisi, rəssam, dəniz zabiti, televiziya aparıcısı və idmançı. Antarktida tədqiqatçısı Robert Falcon Scott-un yeganə övladı olan Peter gənc yaşlarından vəhşi quşları müşahidə etməyə və ovlamağa maraq göstərmiş, daha sonra isə onların yetişdirilməsi ilə məşğul olmuşdur. Erkən həyatı Linkolnşirdə yerləşən Nene çayının kənarındakı East Lighthouse binasında (1933–1939-cu illərdə yaşadığı yer) Peter Scott-un xatirəsinə mavi lövhə qoyulmuşdur. Peter Scott 1909-cu ildə Londonda, Buckingham Palace Road 174 ünvanında anadan olmuşdur. O, Antarktida tədqiqatçısı Robert Falcon Scott və heykəltəraş olan həyat yoldaşı Kathleen Bruceun yeganə övladı idi. Peter, atasının Antarktida ekspedisiyalarına dəstək vermiş Sir Clements Markham və məşhur “Peter Pan” əsərinin müəllifi J.M. Barrie tərəfindən xaç atası seçilmişdi. 1922-ci ildə anası ikinci dəfə evləndi və Hilton Young (sonradan Lord Kennet) Peterin ögey atası oldu. 1923-cü ildə Peterin ögey qardaşı Wayland Young dünyaya gəldi. Təhsil Peter Scott əvvəlcə Oundle Məktəbində, daha sonra Kembric Universitetinin Trinity Kollecində təhsil aldı. O, əvvəlcə təbiət elmlərini oxusa da, 1931-ci ildə incəsənət tarixi üzrə məzun oldu. Kembricdə oxuyarkən o, Kembric Universiteti Yelkən Klubunun fəal üzvü idi və 1929–1930-cu illərdə Oksford Universitetinə qarşı keçirilən yelkən yarışlarında iştirak etmişdi. O, bir il Almaniyada, Münhen Dövlət Akademiyasında incəsənət təhsili almış, daha sonra Londonda Kral Akademiyası Məktəblərində təhsilini davam etdirmişdir. Onun vəhşi təbiət mövzusunda olmayan nadir əsərlərindən biri olan “Ontario gölündə yarışan qayıqlar” tablosu bu gün Kembric Universiteti Yelkən Klubunda saxlanılır.
https://royalsocietypublishing.org/doi/10.1098/rsbm.2022.0019
https://www.britannica.com/biography/Peter-Markham-Scott
https://military-history.fandom.com/wiki/Peter_Scott
https://en.wikipedia.org/wiki/Peter_Scott#:~:text=Scott%20married%20the%20novelist%20Elizabeth,of%20the%20pink%2Dfooted%20goose.
https://peterscottprints.com/sir-peter-scott/sir-peter-scott-biography.html
https://www.oeaw.ac.at/resources/Author/Home?author=Scott%2C+Peter.
https://www.scribd.com/document/303972598/Sir-Peter-Markham-Scott
Tarix : 10 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
