Persi Cekson və Olimplilər: İldırım oğrusu - Fantastik film. Film Rik Riordanın 2005-ci ildə yazdığı "İldırım oğrusu" romanından ilhamlanaraq, rejissor Kris Kolumbun və Kreyq Titlenin yazdığı ssenari əsasında 2010-cu ildə çəkilib. Film Persi Cekson film seriyasının birincisidir. Filmdə Brendon T. Cekson, Aleksandra Daddario, Şon Bin, Pirs Brosnan, Stiv Kuqan, Rosario Dauson, Ketrin Keener, Kevin MakKidd, Co Pantoliano və Uma Turmanın daxil olduğu aktyor və aktrisa heyəti ilə yanaşı, Persi Cekson rolunda Loqan Lerman çəkilib. Film "20th Century Fox" tərəfindən 12 fevral 2010-cu ildə Birləşmiş Ştatlarda teatral nümayiş etdirildi. Film tənqidçilərdən qarışıq rəylər almış, mənbə materialının və ssenarisinin zəif başa düşülməsinə görə tənqid edilmiş, lakin Lerman və Ceksonun performansları, vizual effektləri və hərəkət ardıcıllığı üçün təriflər almışdır. Film 95 milyon dollarlıq istehsal büdcəsinə qarşı dünya üzrə 226,4 milyon dollar gəlir əldə edib. Filmin davamı olan "Persi Cekson: Canavarlar dənizi" 7 avqust 2013-cü ildə buraxılıb. Məzmunu "Empire State Building"in zirvəsində Zevs qardaşı Poseydonla görüşür. Zevs Poseydonun yarıtanrı oğlu Persi Ceksonu usta ildırımını oğurlamaqda günahlandırır. Poseydon ona Persinin əsl kimliyindən xəbərsiz olduğunu xatırladır. Bununla belə, Zevs bəyan edir ki, ildırım yay gündönümü gecə yarısından əvvəl Olimp dağına qaytarılmazsa, bütün tanrılar arasında müharibə başlayacaq. 16 yaşlı Persi disleksiya və DEHB ilə mübarizə aparır. MOMA-ya məktəb səfərində o, ildırımı tələb edən əvəzedici ingilis dili müəllimi xanım Dodds kimi maskalanan Fury Alekto tərəfindən hücuma məruz qalır. Bu hadisədən sonra Persi ən yaxşı dostu Qrover Andervud ilə yarıtanrı uşaqları üçün gizli sığınacaq düşərgəyə yollanır. Anası Sallinin maşını ilə oraya gedərkən, Minotavr onlara hücum edir. Persi minotavrı öldürür. Düşərgədə bir sıra həqiqətləri öyrənən Persi Qrover və Annabetlə birlikdə ildırımı tapmaq üçün səfərə çıxırlar. Yolda müxtəlif hadisələrlə rastlaşan dostlar sonda ildırımı tapır və onu əsl sahibinə verirlər. İstehsal 2004-cü ilin iyununda "20th Century Fox" kitabın film hüquqlarını əldə etdi. 2007-ci ilin aprelində Kris Kolumb rejissorluq üçün işə başladı. Çəkilişlər 2009-cu ilin aprelində Vankuverdə başladı və Burnabidəki Mammoth Studios studiya olaraq seçildi. Filmin hissələri Afinadakı orijinal Parthenonun tam miqyaslı surəti olan Tennessi ştatının Nashville şəhərindəki Parthenonda çəkilmişdir. Lotus Casino hissəsi 2009-cu ilin iyun ayında Vankuverdəki The Westin Bayshore-da lentə alınıb və Persi, Qrover və Annabetin kazinoya maşınla gedib-gəlməsinin əlavə səhnələri Las Vegas Strip-də və Fremont Street Experience-in qarşısında çəkilib. Əlavə xarici səhnələr 2009-cu ilin avqust ayının ilk həftəsi ərzində Bruklin, Nyu-Yorkda çəkilmişdir.

İstinadlar

https://web.archive.org/web/20201123225857/https://www2.bfi.org.uk/films-tv-people/4ce2b8d4854d9

https://www.boxofficemojo.com/release/rl191399425/

https://variety.com/2009/film/markets-festivals/percy-jackson-finds-lead-actors-1118000747/

https://web.archive.org/web/20100128215701/http://login.vnuemedia.com/hr/content_display/news/e3i8cb6d62d50873a4965bc520af0275b90

https://www.metacritic.com/movie/percy-jackson-the-olympians-the-lightning-thief/

https://www.imdb.com/title/tt0814255/

Tarix : 28 dekabr 2024

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.