Nebelunq – ev pişiyi cinsi, əsasən uzunbədənli, geniş yaşıl gözlü, uzun və sıx tüklü, yumşaq xarakteri ilə seçilən bir pişik növüdür. Bu cins, mavi Rus pişiyinə yaxındır, amma daha uzun və daha ipək tüklərə malikdir və bəzən "Uzun tüklü mavi Rus pişiyi" adlandırılır. Mənşəyi Nebelunq cinsinin əsası 1984-cü ildə Amerika Birləşmiş Ştatlarında, "Siegfried" (1984) və "Brunhilde" (1985) adlı pişiklərin yetişdirilməsi ilə qoyulmuşdur. Bu pişikləri yetişdirən Kora Kob, mavi-boz rəngli pişiklərin gözəlliyindən çox təsirlənmişdi. "Siegfried" və "Brunhilde", mavi Rus pişiyinə bənzəyirdilər, amma tük uzunluğu daha az idi. Kora, bu pişiklərlə yeni bir cins yaratmağın mümkün olub-olmamasını öyrənmək üçün "Amerika Pişik Assosiasiyasının" genetikçisi Solveyq Fluger ilə əlaqə saxladı. Fluger, bu cinsi "yarım uzun tükülü mavi Rus pişiyi" olaraq təyin etdi və Kob, bu tələbləri nəzərə alaraq yetişdirmə standartını hazırladı. Lakin, "Beynəlxalq mavi Rus pişik yetişdiriciləri" təşkilatı bu təyinatla razılaşmadılar və nəticədə cins, XIX və XX əsrin əvvəllərində Rusiyadan gətirilmiş mavi-boz pişiklərlə bənzər, amma fərqli bir cins olaraq təsnif edildi. "TICA" (Beynəlxalq Pişik Assosiasiyası) bu cinsi tanıyan ilk təşkilat oldu və cinsin standartlarını təqdim etdi. Nebelunqun yetişdirilməsi proqramının məqsədi, əvvəllər Rusiyadan gələn pişiklərlə eyni tipli mavi pişiklər yetişdirmək və onları orta uzunluqlu, parıldayan bir tük örtüyü ilə birləşdirmək idi. "TICA", həmçinin bu cinsi tanıyır və cinsin xüsusiyyətlərini təyin edir. Cinsin adı alman dilində "mistik varlıq" mənasına gələn "Nebelung"dan götürülmüşdür. Fiziki xüsusiyyətlər Nebelunq pişikləri uzun, incə boyun və bədənə sahib, uzun ayaqları, uzun və ya orta uzunluqda tükləri və uzun quyruqları ilə xarakterizə olunur. Gözləri oval şəkildə, canlı yaşıl və ya sarı-yaşıl rəngdədir. Başları daha çox kəskin uclu və uzun, qızılgül şəklindədir. Tükləri çox yumşaq və ipək kimi hiss olunur. Bu pişiklərin tükləri boz rəngdə olur və gümüşü tonlarla örtülür. Erkək pişiklər və bəzən dişi pişiklər boyun ətrafında buruq tüklərə malikdirlər. Quyruğun tükü bədənin tükündən daha uzundur. Eynilə, qulaqların arxasında və barmaqların arasında tük dəstələri və arxa ayaqlarda "pantalon" kimi tüklər mövcuddur.Fərdlərin böyük əksəriyyətin cinsi yetişkənliyə yalnız 2 yaşında çatırlar. Nebelunq pişikləri orta boylu olub, dişilər 3.5, erkəklər isə təxminən 6.5 kiloqram olur. Davranış xüsusiyyətləri Nebelunq pişikləri həyat dolu, oynaq, sevgili, yaxşı təbiətli və ağıllıdır. Onlar öz ailələri ilə yaxınlıq qurmağa meyillidir və yad insanlardan uzaq dururlar. Bu cins, bir neçə insanla güclü bağlar qurur və onların həyatları boyunca onlara sevgi və sədaqət göstərir. Bəzi Nebelunqlar, ailə üzvlərindən birinə xüsusi yaxınlıq hiss edərək, onlarla daha çox vaxt keçirirlər. Onlar çox yaxşı ünsiyyət qururlar və sahiblərinə problemləri unutdururlar. Bu pişiklər tez-tez tualet təmizliyinə və yemək növünə qarşı çox seçici ola bilərlər. Bir çox sahiblər, Nebelunq pişiklərinin bəzən itlər kimi davrandığını qeyd edirlər. Onlar sahibinə və ailəyə çox sadiqdirlər və tez-tez onları izləyirlər. Nebelunqlar, doğru qayışla asanlıqla sahibi tərəfindən gəzdirilməyi qəbul edirlər. Onlar tez-tez başqalarının yanında olmağı sevsələr də, ən çox sevdikləri insanın yanında olmağı üstün tuturlar. Bu pişiklər həm də çox oynaqdır və atılan oyuncağı sahiblərinə gətirə bilirlər. Bu cins, rutinə çox bağlıdır və evdəki dəyişikliklərə uyğunlaşmaq üçün bir az zaman keçməsi lazımdır. Populyar mədəniyyətdə Nebelunq pişiyi, "Animal Planet"də yayımlanan "Cats 101" proqramında yer almışdır. Məşhurluq və yayılma Nebelunq pişikləri, əsasən Amerika, Kanada, Rusiya və Avropada yetişdirilməkdədir. "TICA" ilə yanaşı, bu cins, "Amerikan Pişiklər Assosiasiyası" (ACFA), "Dünya Pişiklər Federasiyası" (WCF), "LOOF" (Fransa), "Pişik Hökumət Şurası" (GCCF) və müxtəlif ölkələrdəki müstəqil pişik assosiasiyaları tərəfindən tanınır.
https://en.wikipedia.org/wiki/Nebelung
https://a-z-animals.com/animals/nebelung/
https://www.thesprucepets.com/nebelung-cat-breed-profile-4770585
https://www.petihtiyac.com/nebelung-kedi-irki-ozellikleri-ve-bakimi?srsltid=AfmBOooyno7vNz-E-BCUAtlEb-v8EgUk2Op4jwiCEedXJPxPuY4wyj74
https://animalia.bio/pets/nebelung
https://www.gccfcats.org/getting-a-cat/choosing/cat-breeds/nebelung/
https://www.dailypaws.com/cats-kittens/cat-breeds/nebelung
https://tica.org/breed/nebelung/
https://www.zooplus.co.uk/magazine/cat/cat-breeds/nebelung
https://www.viovet.co.uk/breed_information/1-52/Nebelung
https://www.articlesfactory.com/articles/pets/nebelung-cat.html
Tarix : 22 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
