Məzmun bir mövzu haqqında məlumat və fikir vermək üçün yazılı və vizual ifadə üsullarından istifadə edilərək hazırlanan düşüncələrə verilən addır. Məzmun marketinqi isə brendlərin hədəf auditoriyasındakı insanlara çatmaq, həmin insanlarla qarşılıqlı əlaqədə olmaq və sərfəli müştəri hərəkətləri yaratmaq üçün istehsal etdiyi və yaratdığı marketinq növüdür. Keyfiyyətli məzmun. Keyfiyyətli məzmun brendlərə bir çox üstünlüklərdən yararlanmağa imkan verir və onların rəqibləri ilə daha asan rəqabət aparmasına kömək edir. Dizayn keyfiyyətli məzmunda mühüm element kimi görünsə də, əslində ən mühüm element məzmunun faydasıdır. Keyfiyyətli məzmun hazırlamaq üçün hədəf auditoriya və açar söz analizi, başlıq və məzmun formatı, məzmunda şəkil və videoların istifadəsi, bağlantılar kimi mühüm elementlərə əhəmiyyət vermək lazımdır. Məzmun marketinqi və keyfiyyətli məzmun hazırlanması sayəsində brendlər "Google" və "Yandex" kimi axtarış sistemlərində daha çox görünürlər. Müxtəlif sahələrdən olan hədəf auditoriyaları istehlakçılara çatmaq imkanı əldə etdikcə, brendlər korporativ veb saytlar və e-ticarət saytlarına daha çox ziyarətçi cəlb edə bilirlər. Bu üstünlüklərdən yararlanmaq istəyən hər bir brend məzmun marketinqinə önəm verməlidir. Keyfiyyətli məzmun. Hazırlanan məzmunun oxuyuculara dəyər qatması üçün vacib elementlər: 1. Hədəf kütlə analizi 2. Rəqib təhlili 3. Açar söz təhlili 4. Başlıqların daxil edilməsi 5. Şəkillər 1. Hədəf kütlə analizi. Məzmun hazırlanması və məzmun marketinqi işlərinə başlamazdan əvvəl hər bir brend ilk olaraq hədəf auditoriyasını təhlil etməlidir. Hədəf auditoriya, reklam və tanıtım fəaliyyətləri ilə çatmaq istədiyiniz və qazanclı addımlar atacağınız insan qrupuna verilən addır. Hədəf kütlə analizi insanların ən çox hansı mövzularda araşdırma apardığını və ən çox hansı açar sözlərdən istifadə etdiyini görməyə imkan verir. 2. Rəqib təhlili. Məzmun istehsalından əvvəl rəqibləri araşdırmaq vacibdir: Hansı mövzulardan yazırlar? Hansı açar sözlərindən istifadə edirlər? Back linkləri necə əldə edirlər? 3. Açar söz təhlili. İnternetdə hər hansı bir mövzuda məhsul və xidmət axtaran insanlar axtarış sistemlərində həmişə müəyyən açar sözlərdən istifadə edirlər. Mövzunuza uyğun açar sözlər əlavə etmək, hədəf auditoriyanızda olan, məhsul və xidmətlər axtaran, ya da bir mövzu haqqında məlumat əldə etmək istəyən insanlara çatmağınızı asanlaşdıracaq. Açar sözlərinizi araşdırarkən "Semrush", "Ahrefs", "Keywordtool" və s. kimi proqramlardan istifadə edə bilərsiniz. Bu proqramların əksəriyyətinin pulsuz versiyaları da mövcuddur. Açar sözlərinizi seçdikdən sonra bu sözləri müəyyən nisbətdə məzmununuza daxil etməlisiniz. Açar sözlər oxuyucuları sıxmayacaq şəkildə istifadə edilməlidir. 4. Başlıqların daxil edilməsi. Məzmunlarda əsas başlıq ilə yanaşı, alt başlıqlardan da istifadə etməyə çalışın. Başlıq həm açar sözləri ehtiva etməli, həm də istifadəçilərdə maraq yaratmalıdır. Alt başlıqlar isə məzmunu daha oxunaqlı etmək üçün istifadə edilir və məzmunu müxtəlif bölmələrə bölməyə kömək edir. Alt başlıqlar mövzuya uyğun seçilməlidir. 5. Şəkil və videoların istifadəsi. Keyfiyyətli məzmunda mövzuya uyğun olan vizual elementlərdən, şəkil və ya videolardan istifadə edilməlidir. Məhsul icmalı, məhsul müqayisəsi və xüsusi günlərlə bağlı paylaşımlarda yüksək keyfiyyətli şəkillərdən istifadə etmək vacibdir.
https://boomdigital.org/az/mezmun-marketing/
https://mpost.io/az/glossary/digital-content/
https://yenijurnalist.org/digitaltools/
https://az.martech.zone/digital-content-production/
https://www.1001home.com/blog/texnologiya/regemsal-savadliliq-nedir-niye-vacibdir/texnologiya
https://progro.az/yazi/reqemsal-mezmun-yaratmaq-ucun-multimedia-aletlerinden-nece-istifade-etmek-olar-movzusunda-seminar-kecirilecekdir--/2833
https://aghabala.az/reqemsal-marketinq/r%C9%99q%C9%99msal-marketinq-n%C9%99dir.html
Tarix : 6 noyabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
