Maqrib torağayı ("Galerida macrorhyncha") - Şimal-qərbi Afrikanın Maqrib səhrasında tapılan, "Alaudidae" fəsiləsinə aid bir torağay növü. Taksonomiya və sistematika Maqrib torağayı əvvəllər kəkilli torağayın yarımnövü hesab edilirdi. "Clements" bu quşu kəkilli torağayla birləşdirir. Lakin bu növün kəkilli torağaydan genetik olaraq 1,9 milyon il əvvəl ayrıldığı sübut edildi və 2009-cu ildə ayrı bir növ kimi qəbul edildi. Alban Guillaumet və həmkarları qeyd etdilər ki, Maqrib populyasiyaları fərqlidir – Mərakeş və Tunisin quraq bölgələrində yaşayan quşların dimdikləri daha uzun, şimal sahil bölgələrində yaşayanların isə dimdikləri daha qısadır və Avropa yarımnövlərinə xasdır. Müəlliflər mitoxondrial DNT-ni təhlil etdilər və onların genetik olaraq fərqli olduğunu aşkar etdilər. Növün adı qədim yunan sözləri olan "makros" (uzun) və "rhynchos" (dimdik) sözlərindən götürülmüşdür. Yarımnövlər İki yarımnöv tanınır: "Hauts Plateaux" Maqrib torağayı (G. m. randonii) - Loşe, 1860: Əvvəlcə ayrı bir növ kimi təsvir edilmişdir. Şərqi Mərakeş və şimal-qərbi Əlcəzairdə tapılır Şimal-qərb Səhra Maqrib torağayı (G. m. macrorhyncha) və ya Uzun dimdikli Maqrib torağayı - Tristram, 1859: Cənubi Mərakeş və qərbi Əlcəzairdən qərb mərkəzi Mavritaniyaya qədər tapılır. Nümunələr "Galerida macrorhyncha Tristram" növünün iki sintipi (NML-VZ T17849 və NML-VZ T17850) "Liverpul Milli Muzeyi"ndə, "Dünya Muzeyin"də saxlanılır. Bu nümunələr 11-12 noyabr 1856-cı ildə H. B. Tristram tərəfindən Əlcəzairin Səhra bölgəsindəki Laquatda toplanmışdır. Nümunələr 1896-cı ildə Canon Henri Beyker Tristramın kolleksiyasının muzey tərəfindən alınması ilə Liverpulun milli kolleksiyasına daxil edilmişdir.
https://en.wikipedia.org/wiki/Maghreb_lark
https://ebird.org/species/crelar3
https://avibase.bsc-eoc.org/species.jsp?avibaseid=CD9629ED25085695
https://avibase.bsc-eoc.org/species.jsp?avibaseid=2159D3B29A70D350
https://xeno-canto.org/species/galerida-macrorhyncha
https://ebird.org/species/crelar3?siteLanguage=ru
https://www.inaturalist.org/taxa/558525-Galerida-macrorhyncha
https://www.oiseaux.net/birds/maghreb.lark.html
Tarix : 11 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
