MakQreqor balqabaq quşu (Macgregoria pulchra)- Həmçinin MakQreqor cənnət quşu və oxra-qanadlı balqabaq quşu kimi tanınan, böyük (40 sm-ə qədər uzunluqda) qarğaya bənzər bir quş. Ümumi məlumat Böyük narıncı-sarı göz pərdələri və qara uclu, oxra rəngli əsas qanad lələkləri var. Cinslər oxşardır, erkək dişidən bir qədər böyükdür. "Macgregoria" cinsinin yeganə üzvüdür. Monoqam növ olan MakQreqor balqabaq quşu, Yeni Qvineyanın subalp meşələrində yaşayır. Qidası əsasən meyvələrdən ibarətdir. Bu sirli və az məlum növ ənənəvi olaraq cənnət quşu hesab edilsə də, əslində bir balqabaq quşudur. Son genetik sübutlar MakQreqor balqabaq quşunun "Meliphagidae" fəsiləsinə aid olduğunu təsdiqləyir. Bu növ dumanlı balqabaq quşuna bənzəyir və onunla yaxından əlaqəlidir. Adı onun kəşf edicisi, Britaniya Yeni Qvineyasının administatoru Ser Vilyam MakQreqorun şərəfinə verilmişdir. Ser Vilyamın soyadı əslində və rəsmi olaraq "McGregor" idi, lakin Yeni Qvineyada şəxsi üstünlüyü ilə "MacGregor" yazılışını qəbul etdi. Kiçik və azalan populyasiya səbəbindən MakQreqor balqabağı "IUCN Qırmızı Siyahısı"nda "zəif" kimi qiymətləndirilir. CITES-in Əlavə II siyahısında qeyd edilmişdir. Yayılması və yaşayış yeri MakQreqor balqabaq quşu Yeni Qvineya adasında tapılır və bulud meşələrində və subalp "Dacrycarpus" meşələrində, 2800–4000 m (9200–13100 fut) yüksəklikdə yaşayır. "Dacrycarpus" meşələrində, ağaclar meyvə verdikdə tez-tez müşahidə edilir, lakin ağaclar meyvə vermədikdə harada olduğu haqqında çox az məlumat var. Çoxalma MakQreqor balqabaq quşu monogam çoxalır. Cütlər yuvalarını ağacların təpələrində qurur. Yuva mamır, şibyə və budaqlardan hazırlanmış böyük bir fincandır və kiçik yarpaqlar və gövdələrlə örtülür. Bir çəhrayı və ləkəli yumurta qoyulur.

İstinadlar

https://ebird.org/species/machon3

https://en.wikipedia.org/wiki/MacGregor%27s_honeyeater

https://www.inaturalist.org/taxa/12691-Macgregoria

https://avibase.bsc-eoc.org/species.jsp?avibaseid=174776FC46C7A796

https://datazone.birdlife.org/species/factsheet/macgregors-honeyeater-macgregoria-pulchra

https://birdsoftheworld.org/bow/species/machon3/cur/introduction

https://bioone.org/journals/bulletin-of-the-british-ornithologists-club/volume-140/issue-2/bboc.v140i2.2020.a12/The-New-Guinea-bird-names-Macgregors-Bowerbird-and-Macgregors-Honeyeater/10.25226/bboc.v140i2.2020.a12.full

https://xeno-canto.org/species/macgregoria-pulchra

Tarix : 6 mart 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.