Kaipora - Braziliya folklorunda Tupi-Quarani mifologiyasına aid bir varlıq. Adı tupi dilindən götürülüb və "meşə sakini" mənasını verir. Bu varlıq, meşəni qoruyan başqa bir mifoloji varlıq olan Kurupira ilə qarışdırıla bilər. Kurupira, arxaya dönmüş ayaqları ilə ovçuları çaşdırmağa çalışan bir oğlan kimi təsvir edilir. Xüsusiyyətləri Kaipora müxtəlif bölgələrdə fərqli şəkildə təsvir edilə bilir. O, qara dərili, kiçik boylu, çılpaq bir yerli amerikalıdır. Kaipora bəzən qız, bəzən də oğlan kimi təqdim olunur. Onun çox uzun qırmızı saçları, şən və sevimli bir xarakteri var. Çox vaxt damağında siqar tutaraq donuzun üstündə oturmuş formada təsvir olunur. Həmçinin, bəzi bölgələrdə Kaiporanın işığa qarşı qorxusu olduğu inancı mövcuddur. Buna görə də, meşəyə daxil olduqda, yerli insanlar özlərini qorumaq üçün məşəllə gəzirlər. O, adətən ov qaydalarına riayət etməyənlərə qəzəblənir. Kaipora ovları qorxudub qaçmasını təmir edir və heyvanların izlərini "gizlədərək" ya da saxta izlər buraxaraq, ovçuları meşədə azdırır. Əfsanələr və inanclar Populyar inanca görə, Kaiporanın fəaliyyəti, ovçuluğun edilməməsi lazım olan günlərdə, yəni cümə, bazar və dini günlərdə daha da intensivləşir. Kaiporanın siqar sevdiyi məlumdur, buna görə də ovçular cümə axşamları gecələr ağacın gövdəsinə siqar qoyub, "Toma, Kaipora, deixa eu ir embora" (" Kaipora, məni burax gedim") deyərdilər. Bu şəkildə ovçuların şanslı olacağına inanılırdı. Mədəniyyətdə Kaipora, müxtəlif mədəniyyət nümunələrində tez-tez rastlanan bir obrazdır. Məsələn, 1994-cü ildə yayımlanan uşaq televiziya serialı "Castelo Rá-Tim-Bum"da Kaipora, qara maska və böyük qırmızı xəz ilə təsvir olunan bir qadın obrazı olaraq göstərilir. O, teleportasiya qabiliyyətinə malikdir və bəzən vəhşi xüsusiyyətlər nümayiş etdirir. 2001-ci ilin "Sítio do Picapau Amarelo" serialında Kaipora, son iki mövsümdə daimi personaj olaraq təqdim edilib. Harry Potter dünyasında Kaipora, Braziliyada yerləşən "Castelobruxo" adlı sehrli məktəbi qoruyur. Onlar kiçik, tüklü və çox sevimli varlıqlar kimi təsvir edilir. "Legend Quest: Masters of Myth" adlı serialda isə Kaipora, adını daşıyan bir obraz yer alır.

İstinadlar

https://en.wikipedia.org/wiki/Caipora

https://moonfireprojekt.wordpress.com/2014/11/23/caipora/

https://godsandmonsters.info/caipora/

https://harrypotter.fandom.com/wiki/Caipora

https://mythus.fandom.com/wiki/Caipora

Tarix : 21 dekabr 2024

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.