İdina Kim Menzel (/ɪˈdiːnə mɛnˈzɛl/ ih-DEE-nə men-ZEL; qızı Mentzel; 30 may 1971-ci il təvəllüdlü) amerikalı aktrisa və müsiqçidir. Xüsusilə Broadway musiqilərindəki işləri ilə tanınan Menzel, görkəmli səhnə performansı, güclü mezzo-soprano səsi və nəsillər üzrə ən təsirli səhnə aktrisalarından biri kimi şöhrət qazanaraq "Broadway Kraliçası" adlandırılır. O, səhnə, ekran və musiqi sahələrində geniş miqyasda uğur qazanmış, Tony və Daytime Emmy mükafatlarına layiq görülmüşdür. Erkən həyatı və təhsili Idina Kim Menzel 1971-ci il mayın 30-da Manhettendə anadan olub. O, təxminən üc yaşına qədər New Jersey-də yaşamışdır; sonra ailəsi Long Islandda, Syossetə köçüb. Onun valideynləri Stuart Mentzel (pijamalar satıcısı) və Helene Goldberg (terapevt) idi. Onun Cara adlı kiçik bacısı var. Menzel yüdavidir və onun babaları Rusiyadan immiqrasiya ediblər. 15 yaşında valideynləri ayrılandan sonra, o, toy və bar/bat mitzvah mərasimlərində müğənni kimi işləməyə başladı. Bu işini New York Universitetinin Tisch Incəsənət Məktəbində oxuyarkən də davam etdirdi və 1992-ci ildə dram sahəsində Güzəl Sənətlər Bakalavrı dərəcəsi qazandı. Idina soyadını "Menzel" olaraq dəyişdirdi ki, Mentzel ailəsinin ABŞ-da qəbul etdiyi tələffüzə daha yaxın olsun. Karyerası Teatr karyerası Rent-dən The Wild Party-yə (1996-2000) 1995-ci ildə Menzel "Rent" musiqilisində rol almaq üçün dinləməyə qatıldı və bu onun peşkər teatr karyerasının ilk işi və Broadway debütu oldu. "Rent" 26 yanvar 1996-cı ildə New York Theatre Workshop-da Off-Broadway-da açıldı, lakin populyarlığı sayəsində Broadway-dəki Nederlander Teatrına köçürüldü. Musiqilinin orijinal heyətində Maureen Johnson roluna görə Menzel Tony mükafatına namizəd oldu, amma bu mükafata "Bring in 'da Noise, Bring in 'da Funk" musiqilisindəki performansına görə Ann Duquesnay layiq görüldü. Menzel musiqidə son tamaşasını 1 iyul 1997-ci ildə etdə. "Rent"-dəki əhəmiyyətli performansından sonra Menzel "Still I Can't Be Still" adlı ilk solo albomunu buraxdı. O, eyni zamanda Connecticutdakı Goodspeed Opera House-da "Summer of '42" musiqilisində Dorothy rolunu yaradıb, New York City Center Encores!-da "Hair" musiqilisində Sheila rolunda oynayıb və Broadway-da "Aida" musiqilisində Amneris rolunu ifa edib. Menzel Manhattan Teatr Klubunun 2000-ci ildəki Off-Broadway prodüksiyası olan Andrew Lippa-nın "The Wild Party" musiqilisində Kate roluna görə Drama Desk mükafatına namizəd oldu. Onun digər Off-Broadway işlərinə "Rent"-in Broadway öncəsi tamaşası və "The Vagina Monologues" daxil idi.

İstinadlar

https://www.imdb.com/name/nm0579953/bio/

https://www.vanityfair.com/style/story/idina-menzel-returns-to-broadway-for-the-first-time-in-a-decade?srsltid=AfmBOopby3BoIPgxjvFaY8Qf_qJo7Q5TGagFqWQzSAj6dSOOe_bAwDDO

https://www.rottentomatoes.com/celebrity/idina_menzel

https://voice-actors-from-the-world.fandom.com/wiki/Idina_Menzel

https://www.last.fm/music/Idina+Menzel/+wiki

https://en.wikipedia.org/wiki/Idina_Menzel

Tarix : 11 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.