Hou Yi - Çin mifologiyasının məşhur oxçusudur. Eyni zamanda, "Shen Yi" və "Yi" olaraq da tanınır. "Oxçular Lordu" ("Lord Archer") titulu ilə də tanınır. Bəzən oxçuluğun tanrısı və ya göydən yer üzünə kömək etmək üçün enən bir "Xian" (Ölümsüz) olaraq təsvir edilir. Bəzən isə sadəcə yarı-ilahi və ya tamamilə insan kimi təqdim olunur. Onun həyat yoldaşı "Change", ay tanrılarından biridir. Mifologiya Çin mifologiyasında, əvvəllər 10 günəş var idi. Bəzi miflərində günəşlər "Yaşıl İmperator"un oğulları və ya nəvələri kimi təqdim edilir. Başlanğıcda, bu 10 günəş ardıcıl olaraq göy üzündə görünərdi, lakin bir gün bu 10 günəş bir-birinə oynamaq üçün hamısı eyni vaxt görünməyə qərar verdilər. Bu hal yerin həddindən artıq qızmasına səbəb olur. İmperator Yao nizamı qorumaq üçün günəşləri səmadan təmizləməyi Hou Yiyə tapşırır. Hou Yi əvvəlcə danışıq vasitəsilə günəşlərə əngəl olmağa çalışmışdır. Bu, işə yaramadığı üçün Hou onları oxla vurub yerə salmağa məcbur olur. Yerə düşən günəşlər 3 ayaqlı qarğaya çevrilirlər. Sonda yalnız bir günəş qalır. İmperator Yao dünyanın azı bir günəşə ehtiyacı olacağını düşündüyü üçün Hou Yinin 10 oxundan birini oğurlamışdır. Mifologiyaya görə Hou Yinin bir neçə digər mifoloji canavarı, məsələn, "Yayu", "Zaochi", "Jiuying", "Dafeng", "Fengxi" və "Xiushe"ni məğlub etmişdir. Bu canavarları öldürməyi də İmperator Yao tapşırmışdır. Bu xidmətlərindən sonra tanrılar Hou Yiyə əbədiyyət dərmanı vermişdilər. Bir əfsanəyə görə, Hou ovda olarkən onun həyat yoldaşı Change bu dərmanı taparaq içmiş və ölümsüz olaraq aya uçmuşdur. Başqa bir versiyaya görə, Hou Yi günəşləri məğlub etdikdən sonra imperator elan edilərərk taxta çıxarılmışdır. Lakin o qəddar hökmdar olmuş, öz xalqına zülm etmişdir. Bu səbəbdən onun həyat yoldaşı Change, xalqı əbədi zülmdən qurtarmaq üçün əbədiyyət dərmanını oğurlayaraq içmiş sonra aya uçmuşdur. Hou uçarkən onu vurmaq istəsə də, buna nail ola bilməmişdir. Tarixi istinadlar Hou Yi mifologiyada qəhrəman kimi tanınsa da, bəzi mənbələrdə onu qədim Çində yaşamış bir tayfa lideri kimi təsvir edirlər. "Bambuk Salnamələri"ndə yazılır ki, Hou Yi Xia sülaləsinin ilk illərində onların paytaxtını işğal etmişdir. O, hakimiyyətə gəldikdən bir neçə il sonra öz sərkərdəsi Han Zhuo tərəfindən devrilmişdir. Mədəni irs Hou Yinin mifləri Çin mədəniyyətində dərin iz buraxmışdır. Onun qəhrəmanlığı və həyat yoldaşı Change ilə bağlı hekayələr xüsusilə "Ay" Festivalı zamanı geniş şəkildə yad edilir. Bu festival zamanı insanlar aya baxaraq Changeni yad edirlər. Bununla yanaşı, Hou Yi və Changenin əfsanəsi bir çox mahnıya, tamaşaya, rəqsə, filmlərə və televiziya proqramlarına mövzu olmuşdur. Onların romantik hekayəsi əsasında çəkilmiş Çin televiziya serialı "Ay Pərisi" böyük maraq doğurmuşdur. Eyni zamanda, "Shen Yun Rəqsləri Ansamblı" bu əfsanəyə həsr olunmuş xüsusi bir rəqs nömrəsini nümayiş etdirmişdir. Hou Yi həmçinin SMITE adlı video oyununda bir personaj olaraq yer almışdır.
https://en.wikipedia.org/wiki/Hou_Yi
https://www.britannica.com/topic/Hou-Yi
https://mythopedia.com/topics/hou-yi
http://www.chinaknowledge.de/History/Myth/personshouyi.html
https://smite.fandom.com/wiki/Hou_Yi
https://www.asialogy.com/change-ve-hou-yi-eski-cin-efsanesi/
https://digitalartistleague.medium.com/chinese-mythic-hero-houyi-246e64a14d9c
Tarix : 17 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
