Hikati su tısbağası - Mərkəzi Amerika bölgələrinə məxsus su tısbağası. Bu növ Dermatemydidae ailəsinin tək mövcud nümayəndəsidir. Mədəni və ekoloji baxımdan böyük əhəmiyyət kəsb edən Hickatee, biomüxtəlifliyin qorunması baxımından xüsusi diqqət tələb edir. Xüsusiyyətlər Hickatee orta ölçülü su tısbağasıdır. Qabığının hamar səthi zeytun yaşıl, tünd qəhvəyi və ya boz rəngdə olur. Erkəklər boğaz və çənə nahiyəsində sarımtıl və ya narıncı rənglərə sahib ola bilər. Uzunluğu 40-60 sm, çəkisi 14-20 kq, ayaqları üzgəc kimi uyğunlaşmış, su mühitində asan hərəkət etməyi təmin edir. Ekosistemdə rolu Hickatee ot yeyən bir növdür. Əsas qida mənbələri su bitkiləri, yosunlar, düşmüş meyvələr, yarpaqlardır. Bu növ ekosistemdə bitki örtüyünün idarə olunmasında mühüm rol oynayır, çünki qidalanması ilə su mühitinin sağlamlığını qoruyur. Çoxalma Dişilər yumurtalarını qumlu və ya çınqıllı ərazilərə qoyurlar. Yaz və yay aylarında yumurtlama dövrüdür və yumurta sayı 8-20 arasında olur. İnkubasiya müddəti 75-90 gün olur. Balalar yumurtadan çıxarkən 4-5 sm ölçüsündə olurlar və suya qayıdarkən dərhal böyüməyə başlayırlar. Təhlükələr İnsan fəaliyyəti və ekoloji dəyişikliklər səbəbindən kritik təhlükə altındadır. Əsasən çaylar, göllər və bataqlıqlarda yaşayan bu tısbağa növü Təbiətin Mühafizəsi üzrə Beynəlxalq İttifaqı (International Union for Conservation of Nature-IUCN) tərəfindən kritik təhlükə altında (CR - Critically Endangered) olan növlər sırasındadır. Onun qorunması yalnız bioloji müxtəliflik baxımından deyil, həm də insanlarla təbiət arasındakı tarazlığın qorunması baxımından həyati əhəmiyyət kəsb edir.
https://www.iucnredlist.org/species/6493/97409830
https://www.belizewildlifeclinic.org/
https://nytts-org.translate.goog/proceedings/polisar.htm?_x_tr_sl=en&_x_tr_tl=tr&_x_tr_hl=tr&_x_tr_pto=tc
https://www.researchgate.net/publication/378110386_The_Importance_of_Riparian_and_Aquatic_Resources_in_the_Diet_of_Dermatemys_mawii_in_a_Lentic_System_in_Southern_Mexico
https://www.worldwildlife.org/
https://books-google-com.translate.goog/books?id=orUl8Ezs1iQC&pg=PA111&_x_tr_sl=en&_x_tr_tl=tr&_x_tr_hl=tr&_x_tr_pto=tc#v=onepage&q&f=false
https://web-archive-org.translate.goog/web/20110721205818/http://www.turtlesurvival.org/blog/1/129?_x_tr_sl=en&_x_tr_tl=tr&_x_tr_hl=tr&_x_tr_pto=tc
https://www-yumpu-com.translate.goog/es/document/read/14828412/plan-de-manejo-tipo-para-tortuga-blanca-semarnat?_x_tr_sl=en&_x_tr_tl=tr&_x_tr_hl=tr&_x_tr_pto=tc
Tarix : 9 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
