François Arnal (2 oktyabr 1924 - 28 oktyabr 2012) - XX əsrin önəmli fransız rəssamı, heykəltəraş və dizayner. O, modern incəsənət sahəsində yeni yanaşmalara özünəməxsus tərzdə təkan vermişdir. Yaradiciliyi boyu abstrakt ekspressionizmdən pop-art və konseptual incəsənətə qədər mütəlif istiqamətlərə maraq göstərmişdir. Gənclik illəri və təhsili François Arnal Fransanın La Valette-du-Var şəhərində anadan olmudur. O, Toulon Liseyində təhsil almış və sonradan Aix-en-Provence Universitetində hüquq və ədəbiyyat üzrə ixtisaslaşmışdır. Bununla yanaşı, incəsənət sahəsinə olan marağı onun yaradicılıq yolunu rəssamlıq və heykəltəraşlıq istiqamətinə aparmışdır. II Dünya Müharibəsi və ilk incəsənət addımları 1943-cü ildə, II Dünya Müharibəsi dövründə, Arnal Fransının Auvergne bölgəsindəki Müqavimət hərəkatına qoşuldu. Burada o, hollandiyalı rəssam Konrad Kikkert ilə tanışdı və ondan rəssamlığın əsaslarını öyrəndi. Müharibədən sonra Arnal Parisə köçdü və buradakı avanqard incəsənət dairələri ilə əlaqələr qurdu. O, Pierre Dmitrienko, Serge Rezvani və Bernard Quentin kimi rəssamlarla, eləcə də Raymond Queneau və Alain Jouffroy kimi yazıçılarla çalışmalara başladı. Sərgilər və tanınmaya aparan yol 1950-ci illərin əvvəllərində Arnal abstrakt ekspressionizmə böyük maraq göstərdi. Onun rəsmlərində allüziyalar, gücclü rəng oyunları və formasının sınması əsas yer tuturdu. 1957-ci ildə Meksika, Polineziya, Mərkəzi Amerika və Birləşmiş Ştatlara səyahət edərək, buradakı mədəniyyətlərdən ilham alaraq öz yaradicılığına yeni elementlər daxil etdi. Heykəltəraşlıq və "Bombardements" 1960-cı ildə o, heykəltəraşlığa fokuslanaraq Birləşmiş Ştatlara köçdü və altı ay buradakı qalereyalarda iş gördü. 1964-cü ildə Parisə geri dönərək "Bombardements" adlanan yeni texnika işlərdi: bu texnikada sprey boya ilə obyektlərin izləri çəkilirdi. Bu yanaşma abstrakt incəsənətdə yeni texniki nailiyyətlərdən hesab olunurdu. "Atelier A" və dizayn 1968-ci ildə Arnal "Atelier A" emalatxanasını qurdu. Bu, dizaynerlər və rəssamların ortaq iş məkanı idi. Burada o, iş masaları, mebellər, dekorativ obyektlər və digər funksional incəsənət nümunələri yaratdı. Onun dizaynlari sıradan əşyalara yeni vizual baxış bucağı qazandırır, istifadə edilən materialları incəsənət kontekstində dəyərləndirirdi. Son illər və ölümü 1975-ci ildə Arnal rəssamlıq və heykəltəraşlığa geri döndü, eyni zamanda romanlar və pyeslər yazdı. Onun "Meeps" adlı xəyalı bir sivilizasiyanı əks etdirdiyi yaradicılıq dövrü bu vaxt başlayır. Arnalın işləri Nyu-Yorkdakı Guggenheim Muzeyi, Rio-de-Janeyrodakı Muzey və Çikaqo İncəsənət İnstitutunda sərgilənmişdir. François Arnal 28 oktyabr 2012-ci ildə Parisdə vəfat etmişdir. Onun incəsənətə təsiri bu gün də aktualdır və o, XX əsrin avanqard rəssamlarından biri kimi yad edilir.
https://en.wikipedia.org/wiki/Fran%C3%A7ois_Arnal
https://www.francoisarnal.com/biography/default.htm
https://www.galeriedesmodernes.art/en/artists/francois-arnal-abstraction-225
https://www.wikiart.org/en/francois-arnal
https://www.artnet.com/artists/fran%C3%A7ois-arnal/
https://www.artforum.com/events/francois-arnal-202092/
https://www.artsy.net/artist/francois-arnal
Tarix : 17 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
