Faverolles ([favʁɔl] kimi tələffüz olunur) - Fransanın toyuq cinsi. Bu cins 1860-cı illərdə Fransanın şimal-mərkəzində, Houdan və Faverolles kəndləri ətrafında yetişdirilmişdir. Cinsə sonuncu kəndin adı verilmişdir və tək forması da Faverolles-dir, Faverolle deyil. Fransız dilində sonuncu "s" səssizdir. Xüsusiyyətlər Faverolles ağır cins kimi təsnif edilir və saqqal, yanaqlarda lələk, ayaqlarda lələk və hər ayaqda beş barmaq var. Faverolles həm qapalı, həm də sərbəst mühitə yaxşı uyğunlaşır. XX əsrin əvvəllərində batareya qəfəsləri istifadə edilməyə başlandıqda, Faverolles Houdan cinsindən daha yaxşı şəkildə məhdud mühitə uyğunlaşdı. Beləliklə, Faverolles əsrin əvvəllərində Paris bazarı üçün yumurta istehsal edən əsas cins idi. Hal-hazırda əsasən bəzək və sərgi cinsi kimi saxlanılsa da, yaxşı yumurta qoyur və yaxşı ət verir. Ən ümumi rəngi Salmon rəngidir. Somon rəngli dişilərin lələkləri əsasən qəhvəyi və krem ağ rəngdədir. Erkəklər daha tünd rəngdə olur, qara, qəhvəyi və saman rəngli lələklərə malikdirlər. Digər növlərə ağ, qara, ermin, kuku, maun, çil və mavi daxildir. Toyuqlar qışda orta ölçülü, açıq qəhvəyi və ya çəhrayı yumurta qoyur. Bəzi xoruzlar bütün cinslər arasında ən sakit olanlardır və Faverolles həm də son dərəcə sakit xarakteri ilə tanınır. Nəticə etibarilə, qarışıq qrupda digər quşlar tərəfindən zəiflikləri səbəbi ilə təzyiq görə bilərlər. Onlar digər Faverolleslərlə və ya Sussex kimi sakit cinslərlə qrupda daha yaxşı inkişaf edirlər. Sakit xarakterinə görə Faverolles, xüsusən uşaqlar üçün ev heyvanı kimi saxlanılan məşhur bir cinsə çevrilib. Kiçik ev qrupları saxlayan insanlar arasında da populyarlıq qazanır, çünki bu cins həm yumurta istehsalı, həm dət ət məqsədi üçün uyğundur. Faverolles yaxşı yumurta qoyan cins hesab olunur, yaxşı qulluq edilən Faverolles toyuğu həftədə təxminən dörd yumurta qoya bilər.
https://livestockconservancy.org/faverolles-chicken/
https://chooks.co.nz/pages/chicken-breeds-faverolles
https://www.mcmurrayhatchery.com/salmon_faverolles.html
https://breeds.okstate.edu/poultry/chickens/faverolles-chickens.html
https://www.rarebreeds.co.nz/faverolles.html
https://poultrykeeper.com/chicken-breeds/faverolles-chickens/
https://www.poultryhub.org/all-about-poultry/species/fancy-chicken-breeds/faverolles
Tarix : 25 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
