Dibbuk Qutusu (Dybbuk Box) - Yəhudi folklorunda yer alan dibbuk fenomeni ilə əlaqəli məşhur bir obyekt olaraq tanınır. Bu qutu, paranormal fəaliyyətlərlə əlaqələndirilən və ruhani təcrübələrin nəticəsi olaraq meydana gəldiyi iddia edilən bir əşyadır. Dibbuk qutusu, əsasən yəhudi folklorunda dibbukların bir insanın bədənini işğal etməsi ilə əlaqəli bir anlayışdan yaranmışdır, lakin bu obyektdən qaynaqlanan hadisələr müasir dövrün paranormal mühitində xüsusi yer tutmuşdur. Tarixi Dibbuk qutusu, ilk dəfə 2001-ci ildə ABŞ-ın "ebay" onlayn ticarət platformasında satılan bir əşya ilə məşhurlaşdı. Satıcı, qutunun paranormal xüsusiyyətlərə malik olduğunu iddia edərək, ona olan marağı artırdı. Satıcı qutunun əvvəlki sahibəsinin, bu əşyaya sahib olduqdan sonra ardıcıl olaraq qorxulu və izah olunmaz hadisələr yaşadığını bildirdi. O, həmçinin qutunun daxilində bir neçə əşyaya rast gəldiyini söylədi: bir şüşə şərab, dörd ayaqlı şamdan, bir neçə metal yahudi pulu, qurumuş çiçək tumurcuğu və üzərində ibranicə "Şalom" yazılmış heykəl. Satıcının sözlərinə görə, bu əşyaların hamısının xüsusi mistik gücləri var. Dibbuk qutusu və paranormal hadisələr Qutunun ən maraqlı tərəfi, onun paranormal hadisələrlə əlaqələndirilməsidir. Qutunun əvvəlki sahibəsinin iddialarına görə, dibbuk qutusu ona xəsarət yetirmiş, həmçinin ailə üzvlərinə xəstəliklər və psixoloji narahatlıq gətirmişdir. Əlavə olaraq, çox sayda insan bu qutunun sahibi olmasından sonra psixoloji və fiziki təzyiqlər hiss etdiyini bildirmişdir. Satıcı, qutunun həmçinin qeyri-adi bir "qoxu" yaydığını və içindəki əşyaların bəzi hallarda öz-özünə hərəkət etdiyini iddia etmişdir. Dibbuk qutusu populyar mədəniyyətdə Dibbuk qutusu, qorxu və paranormal mövzulu sənədli filmlər çəkən rejissorlarların diqqətini çəkmişdir. 2012-ci ildə "The Possession" adlı film, dibbuk qutusunu və onunla əlaqəli hadisələri mövzu edərək geniş auditoriyaya tanıtmışdır. Film, dibbuk qutusunun bir evə gətirilməsi və orada yer alan qorxulu hadisələrin təsvirinə dayanır. Dibbuk qutusu ilə bağlı 2017-ci ildə "Ezra", 2019-cu ildə "Dybbuk Box: The Story of Chris Chambers" 2021-ci ildə is "Dybbuk" adlı filmlər lentə alınmışdır. Dibbuk qutusu və yəhudi folkloru Dibbuk Qutusu, yəhudi folklorunun qorxulu və mistik elementlərindən biri olan dibbuk ruhlarının bədənə girməsi fenomenini müasir dünyaya təqdim edən bir simvol halına gəlib. O, yəhudi mədəniyyəti ilə müasir paranormal hadisələrə olan marağın kəsişmə nöqtəsi kimi ortaya çıxır. Dibbuk qutusu haqqında aparılan araşdırmalar, həm folklorik, həm də psixoloji səviyyədə müxtəlif yanaşmaları ortaya qoyur, eyni zamanda qorxu və mistika ilə bağlı kollektiv təsəvvürləri əks etdirir. Bu obyekt, həm də mənəvi və ya simvolik qorunma vasitəsi kimi qəbul edilə bilər.
https://en.wikipedia.org/wiki/Dybbuk_box
https://www.inverse.com/input/features/dybbuk-box-dibbuk-kevin-mannis-zak-bagans-haunted-hoax-revealed
https://onedio.com/haber/bir-sey-alirken-10-kez-dusunun-eline-geciren-herkesin-hayatini-mahveden-yuzlerce-yillik-bir-lanet-dybbuk-kutusu-937554
https://www.hayatinici.com/yazidetay?yazi_sef=yahudi-folklorundan-dybbuks-hakkinda-10-surukleyici-gercek&id=2355
https://onedio.com/haber/hayaletler-ve-lanetli-yerler-hakkinda-tuylerinizi-diken-diken-edecek-16-vikipedi-sayfasi-763573
https://usghostadventures.com/haunted-stories/31-days-of-halloween/the-legend-behind-dybbuk-boxes/
https://www.mysanantonio.com/news/local/article/story-of-haunted-box-isn-t-just-a-tale-dreamed-up-3882396.php
Tarix : 14 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
