Cameron və Quinnin CVF modeli (Competing Values Framework) - Təşkilat mədəniyyətinin dəyərlərini və müxtəlif təşkilat strukturlarını anlamağa kömək edən alət. 1980-ci illərdə Robert E. Quinn və Kim S. Cameron tərəfindən inkişaf etdirilən bu model, təşkilatların necə işlədiyini və inkişaf etdiyini başa düşmək üçün istifadə olunur. Model əsasən təşkilatların mədəniyyətini dörd fərqli kateqoriyaya ayırır və bu kateqoriyalar müxtəlif idarəetmə yanaşmaları və davranışları ilə əlaqələndirilir. Modelin Daxili və xarici fokus: Təşkilatın daxili işlərini, yoxsa xarici tərəfdaşlar və müştərilərlə əlaqələri gücləndirməyə üstünlük verdiyini göstərir. Stabil, strukturlaşdırılmış yanaşmalar və Dəyişiklik, innovasiya yanaşmaları: Bu istiqamət təşkilatın sabitliyi və qorunması ilə yenilik və çevikliyə yönəlmiş yanaşmalar arasında seçim etməsini göstərir. Bu iki istiqamət üzərində qurulmuş dörd əsas təşkilat mədəniyyəti növü var. 1. Klan mədəniyyəti: Təşkilatda yüksək səviyyədə əməkdaşlıq, qayğıkeşlik və sosial əlaqələrə diqqət yetirir. Yönəldilən idarəetmə tərzi liderlik, mentorluq və insana yönəlmişdir. Məsələn, ənənəvi ailəvi təşkilatlar və qeyri-kommersiya sektoru bu növə aiddir. 2. Adokrasi (Adhocracy) mədəniyyəti: Yüksək yenilikçilik və risk almağa meyillidir. Yeni ideyalar və çeviklik axtarılır. Burada işçilər yeni yanaşmalar və təcrübələr üçün təşviq edilir. Startuplar və texnologiya şirkətləri bu mədəniyyətə daha uyğun ola bilər. 3. Market mədəniyyəti: Xarici bazara fokuslanır və bazar tələblərinə uyğun yüksək nəticələr əldə etməyə yönəlir. İdarəetmə performansa yönəlmişdir və nəticələrin əldə edilməsi ilə bağlı ciddi yanaşmalar mövcuddur. Satış və nəticə yönümlü şirkətlər bu mədəniyyətə uyğun gəlir. 4. İyerarxiya (Hierarchy) mədəniyyəti: Sabitlik, struktur və mütəşəkkil işə əsaslanır. Qaydalara və prosedurlara riayət olunur və təşkilatın fəaliyyətləri əvvəlcədən müəyyən edilmişdir. Ənənəvi şirkətlər və dövlət qurumları bu mədəniyyətin təmsilçiləri ola bilər.
https://www.mindtools.com/aydu02k/the-competing-values-framework
https://www.icagile.com/resources/the-competing-values-framework-diagram-and-how-to-use-it
https://www.researchgate.net/publication/41891587_A_Review_of_Study_on_the_Competing_Values_Framework
https://www.thercfgroup.com/files/resources/an_introduction_to_the_competing_values_framework.pdf
https://www.opinionx.co/blog/competing-values-framework
https://www.preplounge.com/en/case-interview-basics/business-concept-library/useful-business-analysis-tools/the-competing-values-framework
Tarix : 19 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
