Bilzen (nid. [ˈbɪlzə(n)]) - Belçikanın Limburq əyalətində yerləşən şəhər və bələdiyyə. Ümumi məlumat 2021-ci ildə Bilzenin ümumi əhalisi 32.536 nəfər idi. Ümumi sahəsi 75.90 km² olub, əhalinin sıxlığı 1 km²-də 426 nəfərdir. Bilzen, Bilzen şəhərindən və aşağıdakı kəndlərdən ibarətdir: "Beverst", "Eigenbilzen", "Grote-Spouwen", "Hees", "Hoelbeek", "Kleine-Spouwen", "Martenslinde", "Mopertingen", "Munsterbilzen", "Rijkhoven", "Rosmeer" və "Waltwilder". 1977-ci ildə bələdiyyələrin birləşməsi nəticəsində onların hamısı Bilzen bələdiyyəsinin bir hissəsi oldu. Bilzenin qonşuluğundakı şəhərlər hamısı təxminən 10-15 kilometr məsafədədir: şimalında "Genk"; şərqində "Maastricht" (Hollandiya); cənubunda "Tongeren"; və şimal-qərbində "Diepenbeek". Mədəniyyət 1965-ci ildən 1981-ci ilə qədər Bilzen bir neçə gün davam edən caz və rok festivalı olan "Jazz Bilzen"ə ev sahibliyi etdi. Öz dövründə "Jazz Bilzen" ən mühüm Belçika festivalı idi. Orada çıxış edən sənətçilər arasında, digərləri ilə yanaşı, "Humble Pie", "The Moody Blues", "Deep Purple", "Black Sabbath", "Humble Pie", "The Kinks", "The Troggs", "Procol Harum", "Golden Earring", "Rod Stewart", "Status Quo", "Lou Reed", "Aerosmith", "AC/DC", "The Cure", "Toots Thielemans", "Keith Jarrett" və "John McLaughlin" var idi. 1980-ci illərdən etibarən festival "Rock Werchter"ə çevrilən "Torhout-Werchter" tərəfindən əvəz edildi. Tarix 300 ildən artıq bir müddət ərzində Bilzen, "Loon" qraflığının (fransızca: comté de Looz) bir hissəsi idi. Görməli yerlər - "Rijkhoven" kəndindəki "Alden Biesen Qəsri". - "Munsterbilzen Abbatlığı". Bilzendə doğulanlar - Bert Appermont (1973-cü il təvəllüdlü), bəstəkar, dirijor. - Elke Clijsters (1985-ci il təvəllüdlü), tennisçi və Kim Clijstersin kiçik bacısı. - Kim Clijsters (1983-cü il təvəllüdlü), tennisçi. - Valérie Courtois (1990-cı il təvəllüdlü), voleybolçu. - Lisa del Bo (1961-ci il təvəllüdlü), müğənni. - Camille Huysmans (1871–1968), siyasətçi, Baş nazir (1946-cı il avqust – 1947); Antverpenin meri (1933–1946). - Jelle Vossen (1989-cu il təvəllüdlü), futbolçu. - Thibaut Courtois (1992-ci il təvəllüdlü), futbolçu.
https://www.visitbilzenhoeselt.be/en/discover/culture-and-heritage
https://en.wikipedia.org/wiki/Bilzen
https://focusonbelgium.be/en/facts/castle-estate-alden-biesen-800-years-history
https://ghoomoglobal.com/blog/bilzen-discover-the-charm-of-flanders/
https://artsandculture.google.com/entity/bilzen/m017n_v?hl=en
https://www.visitlimburg.be/en/what-to-do/alden-biesen-tourist-information-centre
https://www.wikidata.org/wiki/Q241898
Tarix : 3 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
