Ayam Cemani - (həmçinin "tamam qara toyuq" və ya "Yava qara toyuğu") - Mənşəyi İndoneziyanın Yava adasından olan nadir toyuq cinsi. Bu cins ilk dəfə Mərkəzi Yavanın "Temanggung" rayonunun Kedu bölgəsindəki əhali tərəfindən yetişdirilmişdir və bu səbəbdən ölkə daxilində "Ayam Kedu" (Kedu mənşəli toyuq cinsi) adı ilə məşhurdur. Ayam Cemani, hiperpiqmentasiya (fibromelanosis) yaradan dominant bir genə sahibdir ki, bu da toyuğun əksər hissələrinin, o cümlədən tüklərinin, dimdiklərinin və daxili orqanlarının qara olmasına səbəb olur. Yava diasporası tərəfindən başqa bölgələrə daşınmasına icazə verildikdən sonra, Cemani Bali adasında döyüş toyuqları kimi çox populyarlaşdı, çünki onların budları digər toyuqlarla müqayisədə daha çox əzələ ilə örtülüdür, bu da onları daha sürətli edir. Terminologiya "Ayam Cemani" Yavanın yerli adıdır və iki sözün birləşməsindən ibarətdir: "ayam" ("toyuq") və "cemani" ("qaraşın"). Bu sözlər köhnə Yava dilinə aiddir. İndoneziya nomenklaturasında isə, bu cins daha çox "Ayam Kedu" adı ilə tanınır. Tarix Bu cins təmiz İndoneziya mənşəlidir və ehtimal ki, 12-ci əsrdən dini və mistik məqsədlərlə istifadə olunmağa başlanmışdır. Cinsin təsviri Hollandiya müstəmləkəçiləri tərəfindən verilmişdir və ilk dəfə 1998-ci ildə Hollandiya tərbiyəçisi Jan Steverink tərəfindən Avropaya gətirilmişdir. Hazırda bu toyuq cinsi Niderland, Belçika, Almaniya, Slovakiya, İsveç, İtaliya, Amerika və Çexiya kimi ölkələrdə saxlanılır. Ayam Cemani həmçinin Hollandiya dənizçiləri tərəfindən Avropaya gətirilmiş ola bilər. Xüsusiyyətləri Orta ölçülü, gözəl və unikal görkəmi ilə tanınan toyuqlardır. Onların dimdikləri, dilləri, gözləri və qırtlaqları qara rəngdədir, hətta ətləri və daxili orqanları da qara və ya boz rəngdə olur. Lakin, populyar inanclara zidd olaraq, onların sümükləri əslində qara deyil. Qanları isə adi rəngdədir. Bu toyuqların rəngi, tibbi vəziyyət olan fibromelanosis səbəbindən toxumaların artıq piqmentləşməsindən yaranır. Fibromelanosis, bəzi digər qara və ya mavi dəriyə sahib toyuq cinslərində də müşahidə olunur, məsələn, "Silkie" toyuqları da bu xüsusiyyətə malikdirlər. Xoruzların (erkək) çəkisi 2–2.5, toyuqların (dişi) çəkisi isə 1.5–2 kq arasındadır. Onlar müxtəlif rəngli yumurtalar qoyurlar. Yumurtaların orta çəkisi 45 qram olur.
https://en.wikipedia.org/wiki/Ayam_Cemani
https://www.gardenfarmthrive.com/blog/ayam-cemani
https://heti.az/xeberler/413-rngi-qara-olan-ayam-cemani.html
https://a-z-animals.com/animals/ayam-cemani/
https://ayamcemani.us/
https://greenfirefarms.com/ayam_cemani.html
https://www.horizonstructures.com/ayam-cemani/
https://www.backyardchickens.com/articles/ayam-cemani-facts-you-didnt-know.72991/
https://www.dragonflyfarmnc.com/ayam-cemani
Tarix : 23 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
